جننت بعشقها

P6

🔥جُـــنِنْــــــت بِــعِــشْــقِـهَـــــا🔥

‎‏𝑩𝒚 : 𝑺𝒐𝒖𝒌𝒓𝒂💎𝑯𝒂𝒏𝒖𝒅𝒂
‎‏ఌ 𝑷 : 6 ఌ

هاد ليوماين كان كيبات مع صاحبو.. فدار كاريينها :" مغياخدهاش "

عبد المولى :" واش اصاحبي غتبقا راهن البنت؟ لانت خديتيها لا خليتيها لرزقها "

هز الجاكيط ديالو معصب تا صاحبو ولا كيخنقو وهو كيزنزن ليه فوق راسو، وحتى من الغارو لي عمرو جا فوسط فمو ولا كيضربو، ولا كيكمي هاد اليوماين حيت الضغط وصل ليه للحد ،خرج هز موطورو مشا للدار حيت خاصو ياخد وراق الطوموبيل.. لقا مو سهرانة كتتسناه فالمراح غير سمعات لباب خرجات تجري :" ايوب الله ياوليدي واش باغي تحمقني، يوماين وانا نصوني لك مكاين لي يجاوب "

ايوب :" اش واقع ؟"
ميمونة :" كيفاش اش واقع؟ معرفناك حي ولا مي + ت وختك غتتخطب أجلنا الجلسة على قبلك كانت غتكون اليوم"
ايوب :" انا قلت لي عندي، معاجبنيش و مباغيش هاداك ميخي"

ميمونة :" علاش اولدي، الراجل ميسور وعايش على برا مغيخصها تا خير؟ باراكة على ديك اليتيمة تعذبات بما فيه الكفاية... خايفة غذا ولا بعدو نلقا راسي تحت القبر و متلقا لا حنين لا رحيم بغيت نتهنا عليها "

ايوب بعناد :" بغيتي تهناي عليها خليها حداك ! محشمتيش تسيفطيها لبلاد مكتعرف فيه حد، مخفتيش يتعدا عليها ؟ باش غتجيبي خبارها ؟؟"

ميمونة سكتات لدقيقة :" ولدي حنا معاها و..."
قاطعها :" حيت معاها مغنسيفطهااش، ولا لقيت داك ميخي هنا تنا لي غنجري عليه "

وتخطاها ودخل وردخ الباب تا قفزات، ولا كيخلعها بتصرفاتو، طلعات تجري تخشات حدا راجلها لي كان كيسمع فراديو :" سلام، ولدي تسيف عليا ومبقاش عاجبني "

سلام :" ميمونة فين عمر ولدك كان بحال رجال.. ديما معقد تقول غا هو لي راجل "
ميمونة :" ولكن واش كتشوف كيولي راجل غير على عبير، ريتاج مكيحكرش معاها... عندها حدود مكتفوتهمش وصافي ولكن مع عبير.."

سكتات بشك :" بزاف"
سلام :" هاد لوسواس غير فيك اميمونة، نتي لي عقدتي الولد وتا البنت متخليها لا تلبس ولا تضحك كيف بغات قدامو نتي لي كدخلي ليهم فراسهم بلي ماشي خوت "

ميمونة :" وراه مااشيي خووت، منضحكوش على راسنا مامشاركين للا دم ولا بزولة وهي محرامش عليه، وانا كنخاف عليها منو واخا ولدي متعرف الشيطان اش يلعب ليه فعقلو "
سلام :" خلاص عليا ا ميمونة صدعتيني بهاد الكاصيطة، نصبحو ونباتو بيتها.. الى بغيتي تعبري سيفطيه من دار وتهناي"
ميمونة بانفعال :" واش انا كرهت راه بغيت نزوجو يخرج عليا مبغاش...!!"
سلام طفا داك راديو وتقلب ينعس :" لا حول ولا قوة الا بالله "

لتحت كان غيطج، بقا ليه غير راسو يضربو مع الحيط يشتتو غيتفرقع، مقادرش يزيد يصبر كيحس براسو غينفاجر من التفكير خشا يدو فجيبو يجبد تيليفون طاح ليه كاغيط صغير مكمش هزو حلو لقا فيه الفانيد لي اعطاه عبد المولى صاحبو وقالو غيخليك تنساا الدنيا كلها، حطو فوق الطبلة كيحاول يبرد راسو ويتهدن، ولكن غير كيتفكر بلي غتكون مع راجل اخر كيزيد يخرج على السيطرة دخل دوش.. على امل انه غيبرد و يصفي ذهنو دخل كيحسب ففلوسو والو واش باغي ينساا تا الفلوس مبقاوش كينسيوه، تكى وهو مقابل مع داك البولة لي فوق الطبلة.. ناض كيتمشى بشوية اتجاهها... خداها محس بوالو وبدا كينعل فصاحبو ماهي الى 15 دقيقة بدا كيحس بصهد حيد الفوقي وبقا عريان صدرو تكى... وكيحس بوذنيه كيصفرو بقا غير بشورط قصير فوق الركبة رجالي و عريض... كيحس براسو ماشي مزيان غادي وكيثقال وحتى لسانو كيتربط كيحس براسو باغي ينعس ولكن ميقدرش ومع ذلك كانت مزال بين عينيه...
عبير كانت مزالة فايقة وفرحانة غطييير بطا عليها امتى يوصل غذاا باش تتجمع مع داك ولد ناس وتشوفو و يتافقو باغيا دير جناح وطير من هاد دار حسات بالعطش و ناضت تشرب ملقات حتى قرعة عامرة حداها ودخلات تا لبيت ختها ملقات والو :" اصلا هادي جمل كاعما تشرب !"

كان ظلام وهي هابطة مع دروج على قرينات صبيعاتها كتتسلت لابسة غير كسيوة ديال دار خفيفة وتحت منها بيرميدا قصيرة وجامعة شعرها شفنجة.. دخلات للكوزينة لي كاينة لتحت بلا حس خدات كاس بين يديها كتشرب حتى كتحس بشي يد كطلع مع فخضها و شي راس فوق عنقها نفس سخونة و كتشم ريحة خانزة ديال الغارو كتخنق رمات لكاس فالارض تشتت بغات تغوت حط ليها يدو فوق فمها مسكتها ويديه كطلع مع سائر جسدها.. كتحرك بقوة وكل حركة كديرها كانت بمثابة وقود غير مكتزيد تشعلو دفعها برجلو قدامو دخلها لبيتو لي كان حدا لكوزينة وحداها صالون مكينعس فيها تا واحد من غيرو دفعها وسد الباب وهي كترجع باللور كلها كترجف.. كتترعد : أيوب !! "
كان ظلام كتسمع غير صوت نفسو عالية و انعكاس شوية ديال ضوء من برا ديال الزنقة كتعكس شعرو مخربق : أيوب متقربش
بتهديد : غنعيط لماما وباباا
ويالله بغات تغوت : ماااا..م
وهو يخشي لها شرويط فوسط فمها و جرها من شعرها لصقها فالحيط وجر بيدو البيجامة من صدرها تا تبعاتو تقطعات و حط يدو فوق شهدها عصرها وخشا ركبتو بين رجليها وهي كتتحرك كتحاول تغوت وتستغيت كانو عينيها منفوخين و حمرين بزاف و فاقد السيطرة تماما على راسو..