فَضلًا لا تنسون التصويت و التعليق تقديرًا لتعبي🩶.
صدفة ديسمبر ( الرَصاصة الأخيرة )
لـ سحر الدليمي
- أ كُلُ الصدفِ تَقُدونا للحُب؟ ، أم أنَ صدفتنا كانت تَختلف ! .
طلعت جنطة و گمت أخلي بيها ملابس ، أنفتح الباب بقوة ، فزيت و باوعت آشـــور دخل و قفل الباب ، تقدم عليه و هــوَ يگول ...
آشـــور : تريدين تروحين وياه مو؟
- إي أريد أروح ويه أشـهَــل
آنـي گلت هيچ لو هــوَ تخبل ، شال الكرسي الگدامه و رماه عـــلـى مراية الميز تطشرت كُلها ، غمضت عيوني و خليت إيديه عـــلـى أذاني من الصوت ، فزيت عليه و هــوَ يلزمني من إيدي بقوة لدرجة حسيت أصابعه أنغرست بإيدي ...
- لچ تريدين تخلينييي أمووته ، هااا ، تريددينهه يمووت
رغم خوفي منه و من صراخه بَــس تحديته و رَديت ...
- شنوو هــيَ بكيفكك تمووتهه
أنصدمت من دفعني بقوة وگعني بالگاع ، صرخت متألمه لأن وگعتي صارت عـــلـى إيدي ، لزمت إيدي و باوعت له بحقد ، أول مره أحس بالكره إتجاه آشـــور ، رفع أصبعه و حچه بصيغة تهديد ...
- أوعدچ وعد يا سِـنَــة ما راح يحصل إله خير و إذا إنتِ بقيتي وياه و ما أبتعدتي عنه هم ما راح يحصل إلچ خير و راح أندمچ صدگيني راح تتندمين
طلع و بقيت آنـي گاعده بالگاع من صدمتي ، شنو الشي اللي خله آشـــور يتغير ميه و ثمانين درجة ، والله هــوَ ما چان هيچ ليش تغير ! ، گمت و ألف سؤال يدور براسي ، فتت للحمام غسلت و طلعت عدلت نفسي و نزلت بلغت العاملات ينظفون اللي صار بالغرفة ، طلعت لگيته واگف ينتظرني و مبين توه جاي ، باوع عَــلـيَّ شافني لازمه إيدي ، عگد حواجبه و سأل ...
- شبيها إيدچ ليش لازمتها؟
ردت أحچي بَــس خفت إذا أگُله مُمكن يروح يتعارك ويه آشـــور و يحقد عليه بعد أكثر و مُمكن يأذيه ...
- لا ما بيها شي بَــس تعثرت و وگعت عليها
- متأذية حيل آخذچ للمُستشفى؟
أبتسمت و جاوبته : لا لَتخاف مو مستاهله
- زين
فتح لي الباب و صعدت ، رحنه للدار خلصت كم شغله و هــوَ چان يم صَـمــيـــم ، من كملت أجه و رجعنه للبيت ، أخذت غراضي و بدلت و طلعنه للمزرعة ، طبعًا المزرعة صايرة بأطراف بغداد و المسافة اللي بيننا و بينها تقريبًا تستغرف ساعة إلى ساعة و نص ...
- جوعانة ننزل نتريگ قبل منمشي؟
- لا شُكرًا متريگة
هز راسه و كمل سياقة بدون سوالف ، لا آنـي حچيت و لا هــوَ ، آنـي من التعب نمت بدون ما أحس ، وره فترة حسيت و أول ما فتحت عيوني شفته صافن بوجهي ، هــوَ من شافني گعدت دار وجهه و تحمحم ...
أنت تقرأ
صدفة ديسمبر " الرصاصة الأخيرة "
Mystery / Thrillerصدفة غَريبة تَجمع قَلبين مِن عالمين مُختلفين تَمامًا لكن يشاء القَدر و يرتبط هذين القلبين برابطة الحُب الصادق ، رُغم الإختلاف الذي بَينهُما و العَقبات و المَصاعب التي تَقف في طَريقهِما إلا أنها لا تمنع تَقاربهما مِن بَعض ، لكن هَل يا تُرى سَينتَصر ه...
