صدفة ديسمبر ( الرَصاصة الأخيرة )
لـ سحر الدليمي
فَضلًا لا تنسون التصويت و التعليق تقديرًا لتعبي🩶.
- لَم يَعُد لي سُلطانًا عـــلـى قَلبي
فـ قَد مالَ كأسُ الهَوى لَيَغرِفَ مِن
غَدير عِشقُكِ .
✨~~~~~~~~~~~~~~~~~~~~~~~~~✨
- بَــس فهمني وين رايحين؟
- شبيك مو گتلك عَــلـيَّ يعني مَتثق بيه؟
- أبد .
- هَـــسـه دگوم والله مَتخسر .
- ما لي خلگ عوفني .
- دگوم شبيك تره الدنيا مو بَــس حُب و غرام ، گوم لخاطر ربك .
جرني من إيدي و گومني غصب ، أخذني لغرفة الملابس و صار يدور بالملابس و يگول ...
نُــوح : و آنـي راح أنسقلك الآوتفت شتريد بعد .
سكتت أباوع عليه يدور بين الملابس و ينحشك بنصهن ضحكت عليه ، طلع الملابس و شمرهن عَــلـيَّ ...
- يلا أنزع .
- سالمين حبيبي؟!
- ها يعني أطلع بره؟
- لا تعال إنتَ لبسني .
- إي يلا تعال .
من كُل عقله أجه يريد ينزعني التيشيرت ، كفخته و طلعته بره ، لبست ملابسي و رتبت شعري و لبست ساعتي و طلعت له لگيته گاعد ينتظرني بالصالة ، من شافني صوفر و گال ...
نُــوح : أويلي شلون كيك ، أنيق مو بإيدك .
- لو بَــس تعوف هاي سوالفك .
- تدري شلون ماشوفك راح تصير سياسي مثل أبوك .
- دولي .
- دولي لو محلي .
- أهووو بدا يمسلت .
- دمشي يمعود أمشي أخرتنا .
أستغفرت ربي و مشيت وياه ، طلعنه بسيارته و الطريق كُله هــوَ مشغل أغاني تلعب النفس ...
- نُــوح ذوقك مينطلع بي .
- عادي أهم شي عاجبني .
- لك نصي الصوت مو أنطرشت شبيك .
مستمر يسوق و يرگص ويه الأغنية ، يا يابه شگد نرفزني ، اليشوفنه يگول مُستحيل أنتوا توأم عـــلـى شخصياتنا المُتناقضة ، مديت إيدي و نصيت الصوت ، شو هذا فجأة داس بريك و وگف ...
- شبيييك و ثوول هــوَ هيييچ !
- هذا عباس !
باوعت ليگدام لگيت ولد ثنين واگفين گدام السيارة و منتچين عـــلـى سيارتهُم ...
أنت تقرأ
صدفة ديسمبر " الرصاصة الأخيرة "
Mystery / Thrillerصدفة غَريبة تَجمع قَلبين مِن عالمين مُختلفين تَمامًا لكن يشاء القَدر و يرتبط هذين القلبين برابطة الحُب الصادق ، رُغم الإختلاف الذي بَينهُما و العَقبات و المَصاعب التي تَقف في طَريقهِما إلا أنها لا تمنع تَقاربهما مِن بَعض ، لكن هَل يا تُرى سَينتَصر ه...
