صدفة ديسمبر ( الرَصاصة الأخيرة )
لـ سحر الدليمي
فَضلًا لا تنسون التصويت و التعليق تقديرًا لتعبي🩶.
- فاتِنةٌ أنتِ و ها قَد فَتَنتِني
و أضعتِني مِن بَين يَدايَ و جَعلتِني
ذَلك العاشِقُ المُنفَتِنُ المُِتَمَرِدُ
و أنقلبَت مَوازيني و تَبعثَرت أوراقي و أصبحت
رَمادًا تَحتَ قَدَماكِ و أنتَهَت .
بقلمي سحر الدليمي
~~~~~~~~~~~~~~~~~~~~~~~~~
معقولة سمع كلامنا؟ ، لا لا ما أتوقع و إذا سمع شلون يا ربي ، توترت و خفت لكن ما أستمر خوفي هذا ...
آشـــور : شديصير هنا؟ ، وين چنتي سِـنَــة؟!
أشـهَــل : و إنتَ شعليك؟
تقدم آشـــور خطوتين و أردف : لا الأصح إنتَ شعليك؟
أشـهَــل : خليني غاض بصر عنك آشـــور .
- لااااه ، و إذا ما غضيت بصر عني شراح يصير بالله؟
- تعرفني كُـلـــش زين شنو مُمكن أسوي .
- كافي فدوة لتتعاركون .
آشـــور : فوتي جوه سِـنَــة .
- آشـــور ...
- گتلچ فوتي جوه .
عفتهُم و فتت جوه بَــس آنـي طلعت و تسحبت بدون ميشوفوني ، وگفت وره شجره قريبه منهم أگدر أشوفهم و أسمعهم ...
أشـهَــل : أحذرك متندگ بيه آشـــور .
آشـــور : شتسوي يعني؟
- أذكرك باللي سويته و ما كملته ، بَــس هالمره راح أكمله ع الأكيد .
تقدم آشـــور كم خطوة من أشـهَــل ، أبتسم بسخرية و أردف ...
- إذا ما بعدت عن سِـنَــة صدگني راح تندم ، أو لا مراح تلحگ تندم حتى ، لأن راح تلگه نفسك ميت بنفس الطريقة اللي ماتت بيها أمك .
هــوَ گال هيچ و أشـهَــل تخبل ، هجم عليه وگعه بالگاع و وگع فوگه يخنگ بي بكُل قوته و يصيح بحرگة گلب ...
أشـهَــل : لااا تجييب سييررة أمييي عـــلـى لسااانك الووصخخ ، إياااك تجييب سيرتهااا عـــلـى لساانك والله أمووتك بإيديي والله أذبححكك .
ركضت عليه أجر بي أريده يوخر عنه : أشـهَــل عوفه فدوة ، أشـهَــل راح يموت ، أشـهَــل عووففهه وخررر .
أنت تقرأ
صدفة ديسمبر " الرصاصة الأخيرة "
Mystère / Thrillerصدفة غَريبة تَجمع قَلبين مِن عالمين مُختلفين تَمامًا لكن يشاء القَدر و يرتبط هذين القلبين برابطة الحُب الصادق ، رُغم الإختلاف الذي بَينهُما و العَقبات و المَصاعب التي تَقف في طَريقهِما إلا أنها لا تمنع تَقاربهما مِن بَعض ، لكن هَل يا تُرى سَينتَصر ه...
