صدفة ديسمبر ( الرَصاصة الأخيرة )
لـ سحر الدليمي
فَضلًا لا تنسون التصويت و التعليق تقديرًا لتعبي🩶.
- نار الغيرة يا عززتي لا تَحرق قلبي فقط ، بل كُلُ من يُحاول الإقتراب منكِ .
- مو أنتوا عـــلـى علاقة و تحبون بعض شلون شعليه !
حاولت ، والله حاولت أهدأ نفسي بَــس ما گدرت ، اللي ديصير وياي هالفترة خلاني أفقد أعصابي و أرجع لنقطة الصفر ، النقطة اللي أبتعدت عنها صار سنتين و أحاول ما أرجع إلها ، بَــس كلامه و بروده وياي ، خلاني أشيل الكرسي الگدامي و أذبه ع الطاوله ، وگع كُـلـــشي عليها و من ضمن الأشياء الوگعت اللابتوب مالته ، نسيت كُـلـــشي أحس نفسي فقدت ...
- مااا أحببههه ، ماااا أحببههه ، ماااكو هيچ شييي هــوَ لازگللييى آنـي أكررههه أمووت منه ، مااا أحبه والله مااا أحبهه
أنصدم من حالتي و وضعي و العصبية اللي آنـي بيها ، حقه أول مره يشوف هذا الجانب من شخصيتي ، الجانب اللي تعبت يلا گدرت أخفي و أتعالج منه ، گعدت بالگاع أرجف رجيف ، أجه گنبص گدامي و يباوع لي بخوف و إستغراب ...
صَـمــيـــم : إهدي إرَم شبيچ بَــس إهدي الله يخليچ كافي .
- والله ما أحبه ، هــوَ يريدني بَــس آنـي ماريده ، ديطلع عليه هيچ سوالف حتى أنجبر أقبل بي ، وَهَب شيطااان آنـي أكرهه ، أكررههه أفههممم لتگووول أحبههه ما أحببههه فههمتتت مااا أحببههه .
- خلص خلص إهدي آنـي آسف والله آسف ، ما أعرف هيچ السالفة .
بقيت أتنفس سريع أريد أجر النفس صار عليه صعب ، هــوَ گاعد گدامي و حاير ميعرف شنو يسوي ، عيونه تتفخصني و تدرس حالتي الغريبة اللي أول مره يشوفني بيها ...
صَـمــيـــم : شو باعيلي إرَم بَــس جري نفس ، سكتي ، سكتي و جري نفس ، أيوه إي هيچ عفيه .
تقرب عليه و حضني يهدأ بيه و يتعذر : أعتذر والله ما أعرف هيچ راح تعصبين ، إهدي الله يخليچ ما أتحمل أشوفچ هيچ .
- صَـمــيـــم .
- أمريني .
- ماريده والله هــوَ يطلع عليه هىچ إشاعات .
- فهمت والله خلص أنسي الموضوع مو مُهم .
- آنـي أكرهه والله ماطيق أشوف وجهه .
سكت و بقى يمسح عـــلـى شعري حتى أهدأ ، جسمي بعده يرجف و النفس بصعوبة أتتفسه
سِـنَــة
أنتظرت إرَم تجيني للمكتب مثل كُل يوم حتى أسألها عـــلـى كم شغلة بَــس ما أجت ، گمت طلعت أدور إلها ، رحت لمكتبها ما لگيتها و مكتب صَـمــيـــم هم ما لگيتها ، سألت عليها الموظفين گالوا شفناها راحت لغرفة الإجتماعات ، رحت لهناك بسرعة ، فتحت الباب ...
أنت تقرأ
صدفة ديسمبر " الرصاصة الأخيرة "
Mystery / Thrillerصدفة غَريبة تَجمع قَلبين مِن عالمين مُختلفين تَمامًا لكن يشاء القَدر و يرتبط هذين القلبين برابطة الحُب الصادق ، رُغم الإختلاف الذي بَينهُما و العَقبات و المَصاعب التي تَقف في طَريقهِما إلا أنها لا تمنع تَقاربهما مِن بَعض ، لكن هَل يا تُرى سَينتَصر ه...
