صدفة ديسمبر ( الرَصاصة الأخيرة )
لـ سحر الدليمي
فَضلًا لا تنسون التصويت و التعليق تقديرًا لتعبي🩶.
- طُرُقٌ مَجهولة ، الشئ الوَحيد المَعلوم فيها هــوَ الحُب .
✨~~~~~~~~~~~~~~~~~~~~~~~~~✨
أسبوع كامل آنـي ما طالعه من البيت ، چنت أنتظر أتعافى زين و للصراحة أكثر ما چنت أريد أشوف أشـهَــل ، بَــس اليوم قررت أطلع و أروح للشغل و أتعامل وياه كأني ما أعرفه ، تجهزت و نزلت حتى أتريگ لگيت الكُل مجتمع ع الريوگ و حتى آشـــور موجود ، صبحت عليهُم و گعدت أتريگ وياهم ، كملت و طلعنه آنـي و آشـــور سوه و مثل ما توقعت أشـهَــل مثل عادته واگف يم السيارة ينتظرني ، وگفت أباوع له و هــوَ بَــس شافني فز ملهوف و بقى يباوع لي
آشـــور چان يخوزر بي بَــس ميگدر يحچي شي لأن آنـي منبهته يبتعد عن أشـهَــل ...
- آشـــور آنـي جايه وياك عادي توصلني؟
ألتفتت عليه أبتسم و گال و عيونه عـــلـى أشـهَــل ...
- طبعًا سُكرتي أوديچ وين ما تردين .
أشـهَــل تخبل عيونه صارن بگصته ، ما أهميت له و مشيت وياه آشـــور ، فجأة حسيت عليه و هــوَ يجرني من إيدي يديرني عليه ...
أشـهَــل : وياي تجين سِـنَــة .
تقدم آشـــور و دفعه عني : إياك تلمسها مرة ثانية إيدك أگطعها وداعتك .
- آشـــور ، آشـــور أهدأ بدون مشاكل فدوة ، روح للسيارة و آنـي هَـــسـه أجيك .
خزر أشـهَــل و ألتفت باوع لي و راح للسيارة ، ألتفتت لـ أشـهَــل ...
- گتلك عوفني إنتَ متفهم؟
نتر : لا ما أفهم و آشـــور متروحين وياه سِـنَــة فاهمة؟؟
- لا أروح و آنـي ما أمشي بأوامرك .
- لچ أفهمي آنـي موجود حتى أحميچ من أي خطر يقرب منچ و آشـــور خطر عليچ شلون ترحين وياه؟
- هه ، آشـــور خطر عَــلـيَّ؟ ، بَــس هــوَ ما كسر گلبي و تجاهلني ، هــوَ ما داس عـــلـى مشاعري و نزل دموعي مثل ما إنتَ سويت .
أنداريت دا أمشي و لزم إيدي دارني عليه : لچ والله أحبچ و إنتِ هم تحبيني ليش ترفضين ، خلينه ننطي حُبنا فرصة .
- هيچ حُب آنـي ماريده و أدوس عـــلـى گلبي اليحبك بالنعال فاهم؟!
عفته و رحت صعدت ويه آشـــور و أنطلقنا للدار ، وصلني و راح لشغله ، نزلت و شفت أشـهَــل صف سيارتي و نزل منها ، مشيت و أحس بي يمشي قريب مني بَــس ما أهتميت له ، رحت لـ إرَم سلمنه عـــلـى بعض و گعدنه شوي قبل مندخل للإجتماع ، كملته شلون ما چان لأن بالي مو وياهُم أبد ، رحت لمكتبي و إرَم وياي ، جريتها حتى تندار عَــلـيَّ ...
أنت تقرأ
صدفة ديسمبر " الرصاصة الأخيرة "
Misterio / Suspensoصدفة غَريبة تَجمع قَلبين مِن عالمين مُختلفين تَمامًا لكن يشاء القَدر و يرتبط هذين القلبين برابطة الحُب الصادق ، رُغم الإختلاف الذي بَينهُما و العَقبات و المَصاعب التي تَقف في طَريقهِما إلا أنها لا تمنع تَقاربهما مِن بَعض ، لكن هَل يا تُرى سَينتَصر ه...
