فَضلًا لا تنسون التصويت و التعليق تقديرًا لتعبي🩶.
صدفة ديسمبر ( الرَصاصة الأخيرة )
لـ سحر الدليمي
- كيفَ لا أحبك و أنتَ أماني الوَحيد .
رجعنا للعراق و لأول مره من بعد سنة بمعرفتي بـ أشـهَــل أحس إني حَبيته ، بقيت أيام و آنـي أفكر معقولة آنـي صـــدُگ حَبيته لو هذا مُجرد إعجاب؟ ، لا أكيد إعجاب شلون أحبه ، بَــس .. بَــس و دگات گلبي اللي تتسارع كُل ما أشوفه ، كُل ما يقترب مني ، كُل ما أسمع صوته ، بدون ما أحس لگيت نفسي صافنة عليه و هــوَ گاعد يسولف ويه صَـمــيـــم ، أتابع تحركاته و عيوني متعلگه بي ...
- تحبي؟
فزيت عـــلـى صوتها ، ألتفتت لگيتها گاعده بصفي ...
- إنتِ شوكت إجيتي؟
- إي حقچ متعرفين شوكت إجيت ، چنتي صافنة بشي أهم مني
- لا آنـي بَــس چنت أفكر بالشغل
- هَـــسـه عوفينه من الشغل ، مَگلتيلي تحبي؟
- منو؟
- منو قابل ، السوبر مان مالتچ ، المُنقذ مالتچ ، أشـهَــل
- لا شنو هالحچي أحبه شنو شبيچ إرَم !
- لعد شنو تفسرين صفناتچ بي و غلطچ المُستمر بأسمه ، لمعت عيونچ لمن تشوفي ، فزتچ لمن تسمعين صوته ، هذا كُله شنو تفسرينه؟ ، لچ سِـنَــة إنتِ من لما رجعتي من تركيا و إنتِ بغير عالم تمامًا !
- لا إرَم إنتِ دتتوهمين ماكو هيچ شي حبيبتي عقلچ صاير يألف أمور مدري شلونها
- يعني هاي الأمور كُلها تأليف من عقلي؟!
- إي ، يلا گومي عدنا شغل
گمت و عفتها إذا بقيت گاعدة يمها يمكن تزوجنا لبعض ، رحت لمكتبي أحاول ألهي نفسي بالشغل
إرَم
چنت گاعده أشتغل بغرفة الإجتماعات و مندمجه ، أنفتح الباب و دخل صَـمــيـــم ، أجه گعد بصفي و قدملي كوب ...
- شنو هذا؟
- گهوة باردة
- منين؟
- آنـي سويتها
- أممم تعرف
- يگولون ماهر بهالشغلات
- منو يگول؟
- أخواني
- منو أخوانك؟
أبتسم و رَد : أشـهَــل و ســـاري
أخذت الكوب أرتشفت منه أول رشفه و طلعت صـــدُگ طيبه ...
- عاشت إيدك صَـمــيـــم كُـلـــش طيبة
- بالعافية عيوني
- هَـــسـه ما أفتهمت إنتَ و أشـهَــل أخوان لو أصدقاء؟
أنت تقرأ
صدفة ديسمبر " الرصاصة الأخيرة "
Mystery / Thrillerصدفة غَريبة تَجمع قَلبين مِن عالمين مُختلفين تَمامًا لكن يشاء القَدر و يرتبط هذين القلبين برابطة الحُب الصادق ، رُغم الإختلاف الذي بَينهُما و العَقبات و المَصاعب التي تَقف في طَريقهِما إلا أنها لا تمنع تَقاربهما مِن بَعض ، لكن هَل يا تُرى سَينتَصر ه...
