صدفة ديسمبر ( الرَصاصة الأخيرة )
لـ سحر الدليمي
فَضلًا لا تنسون التصويت و التعليق تقديرًا لتعبي🩶.
- الإقتراب مِنكَ شَيئٌ صَعب ، لكن لَيسَ عَــلَـيْ يا عَزيزي .
- رجعت لماضيك؟
إيديه چانن كُلهن دم و يغسل بيهن بالمغسلة ، واگف و صافن عليه ، عباله چنت نايم و ما أدري شراح يسوي ، ميدري آنـي أعرف بكُلشي يدور بعقله ...
- ما رجعت بَــس چان لازم أوگفه عند حده
- و توگفه بهالطريقة؟
ألتفت يكمل غسل إيديه : ما سويت له شي صَـمــيـــم
تقريت منه : ما سويتله شي ! ، لعد و هذا الدم منين؟ ، خاف صُبغ و آنـي ما أدري!
- ضِربته بَــس ضَربته مو كتاله ، چنت أريد يعرف ويه منو أندگ بَــس ، ما قصدي أموته
- و إنتَ هم لازم تعرف ويه منو أندگيت
رجع باوع عَــلـيَّ و رفع حاجبه : ها والله ، إي ويه منو أندگيت باللّٰه؟
- ذوله دولة أشـهَــل مو حي الله ناس
- دولة عـــلـى روحهُم مو عليه ، دولة تظلم الفقير و تقتل و تنهب و تاكل حقوق الناس ما أعترف بيهُم دولة ، أدوسهُم و أمشي
صفنت عليه ، اليشوف وجهه يگول هذا فقير مُستحيل يطلع منه هيچ شي و متأكد شكو شخص يشوفه لأول مره راح يفكر هيچ ، كمل و راح للغرفة ، رحت وراه ، بدل ملابسة و راد يطلع و وگفته ...
- وين رايح؟
- انام
تركته و راح ينام بالهول ، بعد هالموقف عيني ما غمضت ، أفكر بي و بتاليه ، أخاف يسووله شي ، ذوله ما عدهُم رحمة و هذا ما يخاف ماخذ الدنيا بحيل صدر
***
- تحبني آنـي؟
بقي مغمض عيونه و يون و آنـي حالي كُله تخربط ، شكله مو صاحي و يهلوس ، بَــس صدمني من جرني عليه لزگني بصدره و هــوَ يهمس بكلمة " أحبچ " لوهلة حسيت أنه صـــدُگ يحبني ، لكن خابت آمالي من همس بأسمها و آنـي بحضنه ، أكثر من مره كررها و هــوَ حاضني ، يمكن يتخيلني سِـنَــة ! ، لعد شگد يحبها و مهووس بيها لدرجة يشوفها بكُل الوجوه ، حاولت أبتعد عنه ...
- عوفني آشـــور .
ردت أگوم و لزم إيدي : لتعوفيني ، أحبچ .
سحبت إيدي منه و نترت بحرگة گلب : كافي آنـي مو سِـنَــة أصحى آشـــور .
عفته و رحت أگعد بالمطبخ ، خنگتني العبرة بَــس حاولت ما أبچي ، فتحت الباب و طلعت أگعد بالحديقة ، الضو توه بده يطلع ، بقيت گاعده لحد ما الشمس صارت قوية و حارة ، رجعت جوه ، شفته بعده عـــلـى نومته و المُغذي مكمل ، فصخته و رحت للمطبخ أسويله شوربه حتى يتريگ ، رغم كُل الأذية اللي تجيني منه بَــس مو بإيدي والله أحبه ، كملت و رحت له ، صحيته و گعد متألم ، عدل گعدته و باوع لي ...
أنت تقرأ
صدفة ديسمبر " الرصاصة الأخيرة "
Mystery / Thrillerصدفة غَريبة تَجمع قَلبين مِن عالمين مُختلفين تَمامًا لكن يشاء القَدر و يرتبط هذين القلبين برابطة الحُب الصادق ، رُغم الإختلاف الذي بَينهُما و العَقبات و المَصاعب التي تَقف في طَريقهِما إلا أنها لا تمنع تَقاربهما مِن بَعض ، لكن هَل يا تُرى سَينتَصر ه...
