Uni
💗နှလုံးသားခုံရုံးရဲ့ အယူခံ💗
💗အပိုင်း ၃💗
သူ့စကားအဆုံးမှာ မျက်နှာလေးချီကာ မဲ့ပြုံးလေး ပြုံးလိုက်သော သူမ မျက်နှာလှလှလေးကို ခဏမျှ ငေးကြည့်ရင်း သူခြေထောက်တွေကို ပန်းကန်ကွဲတွေဆီသို့ ဦးတည်လိုက်လေသည်။ ပန်းကန်အကွဲတွေဆီ သူခြေချလိုက်တော့ သူမက မဲ့ပြုံးလေး ပြုံးရင်း မျက်နှာလွှဲသွားလေသည်။ နာကျင်မှုကို အလူးအလဲ ခံစားရင်း အံကို တင်းတင်းကြိတ်ထားမိလေသည်။
"အား"
ခြေဖဝါးထဲ ထိုးဝင်လာသည့် ဖန်အကွဲစက စူးနစ်စွာ အသားထဲ ထိုးဝင်သွားရလေသည်။
သူရဲ့ အော်သံကြောင့် သူမ မျက်နှာလွှဲထားရာမှ လှည့်ကြည့်မိလေသည်။
အို ဘုရား ဘုရား။ ခြေဖဝါးမှာ သွေးတွေရဲနေလေသည်။ ပျို ရင်တွေ တုန်လာရကာ
"ဦးကမ္ဘာစည်း ရှင် ရူးနေတာလား၊ အဲ့ဒါ"
ပျို သူကို တွန်းဖယ်လိုက်တော့ သူ့ ယဲ့ယဲ့လေး ပြုံးရင်း
"မင်း ဖြစ်စေချင်တာ အခုလို မဟုတ်လား၊ မင်း သိလား၊ ကိုယ့်ရင်ထဲမှာ မင်းကို ထားစရာနေရာမရှိအောင် ချစ်ခဲ့တာ၊ မင်းကို ငါ မြတ်နိုး တန်ဖိုးထားခဲ့တာ၊ အတိတ်က ကိစ္စတစ်ချို့ကိုတော့ ကိုယ် ရှင်းပြဖို့ စိတ်မကူးဘူး၊ ကိုယ့် ရှင်းပြလိုက်လို့ အခြားသူတွေအပေါ် မင်းစိတ်ကွက်သွားမှာကိုလည်း မလိုချင်ဘူး၊ အထူးသဖြင့် မင်းအဖေ အပေါ်ကို"
သူ့ စကားသံတွေ တိတ်ကျသွားပြီး ခဏ အကြာတွင်
"ဒယ်ဒီရေ ဒယ်ဒီ"
ခပ်စွာစွာအသံစူးစူးလေးနှင့် အတူ မိန်းကလေးတစ်ဦး လှေကားထစ်များဆီမှ ပြေးတက်လာသည့် အသံကို ကြားလိုက်ရလေသည်။
"ဒုက္ခပါပဲ သခင်လေး၊ မှီ မှီလေး ပြန်လာပြီ"
"ဟင်"
"ဒယ်ဒီ ဒါက ဘာဖြစ်တာလဲ"
၁၅ နှစ်အရွယ်ကောင်မလေး တစ်ယောက် အခန်းထဲ ပြေးဝင်လာသည့်ကို အားလုံးသတိထားလိုက်မိလေသည်။
စံထားမှီ ဖခင်ဖြစ်သူ၏ ခြေဖဝါးမှ သွေးများကို ရုတ်တရတ် မြင်လိုက်ရ၍ အသက်ရှုရပ်မတက်ခံစားလိုက်ရလေသည်။ စည်း လည်း သမီးကို တွေ့လိုက်ရသဖြင့် ခဏမျှ အံ့သြမှင်သက်သွားရသလို ပျိုမဒီရဲ့ မျက်ဝန်းတွေကလည်း မီးဝင်းဝင်းတောက်နေရလေသည်။
YOU ARE READING
နှလုံးသားခုံရုံးရဲ့အယူခံ
Romance"ကိုယ့်မင်းကိုချစ်တာ မင်းဒယ်ဒီကို မုန်းနေတာနဲ့ မဆိုင်ဘူး ပျို။ မင်းက မင်းဖြစ်နေလို့ကို ကိုယ့်က ချစ်တာ" ကမ္ဘာစည်း "ပျို ဦး ကို မုန်းတယ်။ ပျို နှလုံးသားကိုအရုပ်ကလေးတစ်ရုပ်လို ဆော့ကစားခဲ့လို့ ဦး ကို မုန်းတာ" ပျိုမဒီ
