Uni
💟နှလုံးသားခုံရုံရဲ့အယူခံ💟
💟အပိုင်း ၆💟
လူတိုင်းက အချစ်နှင့်တွေ့လျှင် ကဗျာဆန်တတ်ကြသလို ကမ္ဘာစည်းဆိုသည့် သူကရော ဘာအသားနှင့် ထုထားသည့် အကောင်မို့လို့လဲ။ သူလည်း နူးညံ့သိမ်မွေ့သည့် အချစ်ကို ခံစားတတ်သည့်လေ။ ပျိုမဒီ ဆိုသော ကောင်မလေးရဲ့ အဆောင်ရှိရာကို မရရအောင် စုံစမ်းပြီး မနက်တိုင်း နှင်းဆီပန်းခြင်းတွေ လူမသိသူမသိ သွားသွားပို့ရတာ ရင်ခုန်စရာတော့ ကောင်းသား။
သူလို ရင့်ကျက်တည်ငြိမ်သည့် အသက် ၃၀ အရွယ်လူတစ်ယောက်က ဒီလောက်ထိ အချစ်ကြောင့် ကဗျာဆန်တတ်မည့်ဟု တွေးတောင်မတွေးကြည့်မိခဲ့ဖူးပေ။
နှင်းဆီပန်းအနီလေး ၁၀ပွင့်တစ်စည်း မနက်တိုင်း ပိုင်ရှင်ထံ မသိမသာဆက်သနေသည့် စည်းဆိုသော ကောင်လေးကို ပျိုမဒီဆိုသော ကောင်မလေးကတော့ သိမည်မထင်။
"မမ မမ"
ပျို အဆောင်အပြင်ကို ထွက်လာစဥ် တွေ့နေကျ ကလေးလေးက သူမကို တလောတကြီး လှမ်းခေါ်လေသည်။ သူ့လက်ထဲတွင်လည်း နှင်းဆီပန်းပွင့်လေးတွေက အရင်နေ့တွေကလို မထူးမခြားရှိနေလေသည်။ ပျို ကလေးလေးကို မျက်ခုံးပင့်ကာ လှည့်ကြည့်လိုက်တော့
"မမအတွက် သား ပန်းတွေယူလာတယ်"
သူမ ကလေးငယ်လေးရှေ့ ဒူးထောက်ထိုင်ချလိုက်ပြီး ကလေးငယ်ပေးလာသော ပန်းလေးတွေကို ယူလိုက်လေသည်။ ပြီးမှ ကလေးကို သူမ ပြောလိုက်သည့်က
"ဒီနေ့ဆို သား မမကို ပေးထားတဲ့ ပန်းတွေ အပွင့်တစ်ရာရှိပြီနော်၊ သား ပြောပါဦး မမကို ပန်းတွေ ဘယ်သူပေးခိုင်းတာလဲ
ကလေးလေးက ခေါင်းကို ဘယ်ညာခါယမ်းရင်း
"သားသားပြောလို့ မရဘူး မမ"
"ဟာ ဟိတ်"
စကားအဆုံးတွင် လှစ်ခနဲ့ ပြေးထွက်သွားသော ကလေးလေးက သူမ ခေါ်သံကိုပင် လှည့်မကြည့်တော့ပေ။ သူမ မှာသာ လက်ထဲက နီနီရဲရဲ နှင်းဆီပွင့်လေးတွေကို ကြည့်ပြီး အဖြေရှာရခက်နေလေသည်။
ဘယ်သူလဲ နေ့တိုင်း သူမကို ပြန်တွေပို့ပေးနေခဲ့တာ ဘယ်သူလဲ။
YOU ARE READING
နှလုံးသားခုံရုံးရဲ့အယူခံ
Romantik"ကိုယ့်မင်းကိုချစ်တာ မင်းဒယ်ဒီကို မုန်းနေတာနဲ့ မဆိုင်ဘူး ပျို။ မင်းက မင်းဖြစ်နေလို့ကို ကိုယ့်က ချစ်တာ" ကမ္ဘာစည်း "ပျို ဦး ကို မုန်းတယ်။ ပျို နှလုံးသားကိုအရုပ်ကလေးတစ်ရုပ်လို ဆော့ကစားခဲ့လို့ ဦး ကို မုန်းတာ" ပျိုမဒီ
