Uni
"နှလုံးသားခုံရုံရဲ့အယူခံ"
"အပိုင်း ၂၀(ဇာတ်သိမ်း)"
စည်း ရင်တွေမီးတောက်နေရသလို သမီးအတွက် ပူလောင်နေသော သောကတွေ များနေရလေပြီ။ မနေ့ည ကတည်းက ပြန်မရောက်လာသည့် သမီးကို ဘယ်ဖခင်က စိတ်မပူဘဲ နေမည်နည်း။ သူရင်ထဲမှာ အတော်ပူလောင်နေရပြီဖြစ်သည်။
"ညီမလေးကို ဆက်သွယ်လို့ရမဲ့ လူမရှိဘူးလား ဦးရယ်"
ကိုယ့် ညီမအရင်းဆိုသည့် အသိက အလိုလိုဝင်ရောက်လာလေတော့ ပျို ရင်ထဲမှာလည်း အလိုလို ပူလောင်လာရလေသည်။
"ကိုယ့်သိသလောက် သမီး သူငယ်ချင်းတွေကို ကိုယ့်ဖုန်းဆက်မေးပြီးပြီ၊ ဘယ်သူမှ သမီးနဲ့ အတူရှိမနေဘူးတဲ့၊ လုပ်ပါဦး ၊ သမီး ကိုယ့်ကို စိတ်ဆိုးပြီး ဘယ်ကို ထွက်သွားတာလဲ၊ ကိုယ် ရင်တွေပူလိုက်တာ ပျို"
စိုးရိမ်သောကများစွာဖြင့် ဖခင်တစ်ဦးရဲ့ အပူသောကကို မည်သူ သိနိုင်မှာလဲ။ သမီးအရင်းမဟုတ်သော်လည်း သူရင်ထဲမှာ သတ်မှတ်ထားသည့်က သူ့ သမီးသာ ဖြစ်သဖြင့် သမီးငယ်လေးကို သူ စိတ်ပူနေရသည့်မှာ ရင်တစ်ခုလုံး မီးတောက်နေလေသလားပင် စည်း ခံစားနေရသည်။
"သမီးငယ် ပျောက်နေလို့ဆို"
သမီးငယ်ရဲ့သတင်းကို ကြားကြားချင်း ဦးကောင်းမိုး ရင်တွေပူကာ သမီးငယ်ကို ရှာရန် ကမ္ဘာစည်းရဲ့ အိမ်သို့ထွက်ခဲ့လိုက်သည်။ စည်း ရဲ့ အိမ်ကိုရောက်လေတော့ သမီး နှင့် စည်းရဲ့ စိုးရိမ်ပူပန်နေသော ပုံရိပ်ကို တွေ့ရလေမှ သူ့ရင်ထဲ ပိုမိုမီးလောင်မြိုက်လာရလေသည်။
"ကျွန်တော် သမီးကို နေရာအနှံရှာပြီးပြီ၊ မတွေ့ဘူး အန်ကယ်၊ သမီး သူငယ်ချင်းတွေကိုလည်း ကျွန်တော် ဖုန်းဆက်ပြီးပြီ၊ ဘယ်သူမှ သမီးကို မတွေ့ဘူး၊ သမီး မရှိဘူးပြောကြတယ်"
စည်းရဲ့ အသံတို့သည် အတော်ပင် တုန်လှုပ်ခြောက်ခြားနေခဲ့သည်။ သမီးအတွက် မည်မျှအထိ စိုးရိမ်ပူပန်နေမည်ကို ဦးကောင်းမိုး ကောင်းကောင်းနားလည်နေလေသည်။ သူဟာ သမီးရဲ့ အဖေအရင်း ဆိုသော်လည်း သူ သမီးကို ချစ်နိုင်သည့် အချစ်တို့သည် ကမ္ဘာစည်းကိုတော့ မကျော်နိုင်ခဲ့ပေ။ ကမ္ဘာစည်းကမှ သမီးရဲ့ အဖေ။ သမီး ဘဝလုံခြုံအောင် စောင့်ရှောက်ပေးနိုင်ခဲ့သူ မဟုတ်ပါလား။ တစ်ချိန်က သူ အတ္တတွေလွှမ်းခြုံပြီး သမီးကို ပစ်ပယ်ထားခဲ့သည့် သူလိုလူမျိုးက အဖေ ဖြစ်ထိုက်သေးရဲ့လား။
YOU ARE READING
နှလုံးသားခုံရုံးရဲ့အယူခံ
Cinta"ကိုယ့်မင်းကိုချစ်တာ မင်းဒယ်ဒီကို မုန်းနေတာနဲ့ မဆိုင်ဘူး ပျို။ မင်းက မင်းဖြစ်နေလို့ကို ကိုယ့်က ချစ်တာ" ကမ္ဘာစည်း "ပျို ဦး ကို မုန်းတယ်။ ပျို နှလုံးသားကိုအရုပ်ကလေးတစ်ရုပ်လို ဆော့ကစားခဲ့လို့ ဦး ကို မုန်းတာ" ပျိုမဒီ
