Uni
💟နှလုံးသားခုံရုံရဲ့ အယူခံ💟
💟အပိုင်း ၄💟
"ဒယ်ဒီ"
ပျို ဒယ်ဒီကို တွေ့လိုက်ရသဖြင့် ဒယ်ဒီရင်ခွင် ပြေးဝင်ကာ ငိုလိုက်မိလေသည်။
"အဟင့် ဒယ်ဒီ၊ ဒယ်ဒီ ပျိုကို ဒီက ပြန်ခေါ်သွားပေးပါနော် ဒယ်ဒီ"
ဦးကောင်းမိုး ကလေးတစ်ယောက်လို ငိုကြွေးနေသောသမီးကို ခပ်ဖွဖွလေး ပွေ့ဖက်ရင်း
"ဒယ်ဒီပြောမယ် သမီး နားထောင်၊ သမီး မောင်ကမ္ဘာစည်းနဲ့ ပျောက်နေတာ ဘယ်နှစ်ရက် ရှိနေပြီလဲ သမီး၊ ဒယ်ဒီကို ပြောစမ်း"
"၃ရက်ရှိပါပြီ ဒယ်ဒီ"
"အေး မင်္ဂလာပွဲပျက်ပြီး အခြားယောကျာ်းတစ်ယောက်နဲ ပါသွားတဲ့ သမီးကို ပတ်ဝန်းကျင်က ဘယ်လိုပြောမလဲ သမီး"
ပျို မာန်လေးတင်းကာ စည်းကို တစ်ချက်လှမ်းကြည့်ပြီး
"ပတ်ဝန်းကျင်ဆိုတာ ချီးမွမ်း ၇ ရက် ကဲ့ရဲ့ ၇ ရက်ပါ၊ ဘာအကြောင်းအရာမှန်း မသိလေဘဲ အငြိုးတကြီး လက်စားချေဖို့ ကြိုးစားတဲ့ ယောကျာ်းနဲ့တော့ ပျို လက်မထပ်နိုင်ဘူး ဒယ်ဒီ"
"ပျို"
စည်း အထိတ်တလန့် ဟန့်တားမည့် ပြင်ချိန်တွင် ဦးကောင်းမိုးက
"သမီး ဘယ်အရာကိုမှ လက်လွှတ်စပါယ် မဆုံးဖြတ်ပါနဲ့၊ ပတ်ဝန်းကျင်ဆိုတာ ကောင်းတဲ့သူရှိသလို မကောင်းတဲ့ သူလဲရှိတယ်၊ ဒယ်ဒီသမီးလေးက လိမ္မာပါတယ်၊ မောင်ကမ္ဘာစည်းကိုသာ လက်ထပ်ပါ"
"ဒယ်ဒီ"
စူးစူးရှရှ ဒေါသရောင် လတ်နေသော ပျို မျက်ဝန်းလေးတွေကို ဦးကောင်းမိုး ဖယ်ရှားရင်း
"သမီး ဒယ်ဒီကို ချစ်တယ်မဟုတ်လား"
သူမ ဖြေးညင်းစွာ ခေါင်းညိမ့်ပြရှာလေသည်။ ဦးကောင်းမိုး သမီးဦးခေါင်းလေးကို ခပ်ဖွဖွလေး ပွတ်သပ်ရင်း
"ဒယ်ဒီ သမီးက လိမ္မာပါတယ်ကွာ၊ အရှက်နဲ့ ဂုဏ်သိက္ခာကို တန်ဖိုးထားတဲ့ မိန်းကလေးပီပီ စည်းကို လက်ထပ်နော်"
"အဟင့် ဒယ်ဒီရယ်"
ပျို ကလေးတစ်ယောက်လို ဒယ်ဒီရင်ခွင် တိုးဝင်ငိုမိလေသည်။ ဘာအကြောင်းကိုမှန်း မသိမုန်းတီးနေသော ယောကျာ်းတစ်ယောက်ကို လက်ထပ်ရမည့် အရေး ပျို နှလုံးသားတစ်ခုလုံး ထုံထိုင်းနာကျင်နေရလေသည်။
💕💕💕
YOU ARE READING
နှလုံးသားခုံရုံးရဲ့အယူခံ
Storie d'amore"ကိုယ့်မင်းကိုချစ်တာ မင်းဒယ်ဒီကို မုန်းနေတာနဲ့ မဆိုင်ဘူး ပျို။ မင်းက မင်းဖြစ်နေလို့ကို ကိုယ့်က ချစ်တာ" ကမ္ဘာစည်း "ပျို ဦး ကို မုန်းတယ်။ ပျို နှလုံးသားကိုအရုပ်ကလေးတစ်ရုပ်လို ဆော့ကစားခဲ့လို့ ဦး ကို မုန်းတာ" ပျိုမဒီ
