🌸خبـــــــــــــز و مــــــــــــــاء🌸
♡الفصــــــل اللأول:في ذلك الشتــــاء،أحببتــــك♡
✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀3
قمر(كاتدخل و تخرج فالهدرة):هننهن سراق الزيت...
سيف:شكون سراق الزيت؟ واش أنا زعما؟
قمر(عاد وعات و تقادات فالجلسة):أه سيف جيتي؟
سيف:مالك عريانة؟نوضي لبسي حوايجك غادي يضربك البرد.
قمر:واخا.
وقفات و مشات للماريو هزات الحوايج و بدات كاتلبس.
سيف(قرب ليها):مال داك الما؟
قمر:كنت بغيت ندوش و بان ليا سراق الزيت...ماحسيتش براسي و لحت البرما.
سيف(خنزر فيها):واش مريضة فعقلك؟و كون تخوا الما عليك؟
قمر:سيف صافي عفاك راسي ضارني
يالاه تخطاتو و هو يشدها من دراعها جرها لعندو
سيف(بحدة):راك مابقيتيش صغيرة ردي شوية البال لراسك
قمر تنهدات و حركات راسها بأه
سيف(حط يديه على جبينها):فيك السخانة...سيري ترتاحي بينما جبت ليك الدوا.
قمر:واخا بلاتي نمشي نجفف داك الما
سيف (ما جاوبهاش جرها و داها لجيهت الناموسية):رتاحي
رجعات تكات في حين هو مشا جمع ديك الدنيا واخا جا من الخدمة عيان بزاف...ملي سالا خرج للفارماسي جاب ليها الدوا عاد رجع لقاها ناعسة فيقها حتى شربات الدوا و رجعات ثاني نعسات.
أما هو سهر الليل كامل كي مسح ليها وجها و عنقها بفوطة فازكة بما بارد...ما هبطات حرارتها حتى أذن الفجر...عاد نعس هو.
فاقت قمر كاتكسل...حسات براسها ولات بخير...شافت فالساعة لقاتها 7...تقادات فالجلسة و شافت فسيف لي كان ناعس.
قمر:سيف فيق راه السبعة هادي(نزلات عليه ببوسة لفمو حتى قطعات عليه النفس و فاق).
سيف(من بعد ما سترجع أنفاسو):مالك؟
قمر: ههه والو غير مابغيتيش تفيق.
سيف(ناض و حط يديه على جبينها):شوية دابا؟
قمر:أه...وا نوض راه مشا الحال و خاصني نمشي للمعهد حتى انا.
أنت تقرأ
خبز و ماء
Romantikــــــــــــــــــ✷خبـــــــــــــز و مــــــــــــــاء✷ـــــــــــــــــ قصــــــة بعــــــنوان: 🍞خـــــبز و مـــــــاء💧 ✎ 𝑆ℎ𝑒 𝑊𝑜𝑙𝑓 ⛓️نبـــــــــذة عن القصـــــــة⛓️ خبــــز و مـــاء وجبــــته المفضلــــــة الوجب...
