خبز و ماء

𝑃𝐴𝑅𝑇❀20

🌸خُبْـــــــــــــزٌ و مَــــــــــــــاءْ🌸

♡الفصـــــــــل الثاني:لِقـــــــاءٌ قد تَأخـَــــــــر♡ 

✎𝑆ℎ𝑒 𝑊𝑜𝑙𝑓

𝑃𝐴𝑅𝑇❀20

سيف(بقا كي شوفيها ما فاهم والو): عاودي أش قلتي ما فهمتش

إكرام(بلعات ريقها): فخر ما غتا*صبنيش أنا لفقت ليه التهمة

سيف(بقا ساكت كي حاول يستوعب داكشي لي قالت،حط يديه فوق البيرو و شد بيه راس، كي هدر و ما كيشوفش فيها):علاش

إكرام: باش نتاقم منو على گاع لي دار(شافتو حاني راسو و ساكت،بلعات ريقها و قالت) سيف أنا على قبلك درت هادشي، عقلتي نهار خلاك تركع قدامو، من داك النهار و أنا حاقدة عليه...

سيف كان ساكت و غير سمع اش قالت وقف ديك الساعة و مشا لجيهتها، بلا ما يهدر شدها من الكول ديال تيشيرت و وقفها، قابلها معاه و نزل عليها بتصرفيقة حتى تزعزعات من بلاصتها.

سيف(معصب و كي غوت بالجهد): خويا أ إكرام...خليتيني نمد يدي على خويا و ندخلو لحبس.

إكرام يالاه حلات فمها بغات تهدر و هو يزيدها تصرفيقة أخرى

سيف: ندوز ليك كلشي أ إكرام إلا تقربي من عائلتي، عائلتي لي اخيرا لقيتهم من بعد اعوام و انا عايش بلا بيهم تجي برهوشة تفرقني عليهم؟

إكرام هبطات راسها لتحت و كاتبكي بصوت مرتفع، هو غير شافها كاتبكي زاد تعصب،دايراها قد راسها و زايداها بالبكا.

عطاها تصرفيقة أقوى من لي سبقوها حتى طاحت للأرض،يالاه بغا يمشي ليها ثاني و هما يدخلو من الباب ملي سمعو الغوات ديال سيف.

بانت ليهم إكرام طايحة فالأرض كاتبكي و شادة حنكها،و سيف كي عاير و يغوت عليها.

سيف: واش نتي بنادم؟ كيفاش عطاك خاطرك تظلمي إنسان؟ واش انا هاكدا ربيتك؟

يالاه بغا يهبط ليها حتى كاتسبقو ثورية لي سمعات أش قال و فهمات بلي فخر غير مظلوم، مشات تلاحت عليها كاتضرب و تنتف و إكرام غير كاتبكي و ما كاتدير حتى شي ردة فعل، مخلياها تضرب فيها.

ثورية(كاتبكي و تنهج): ولدي يا بنت الحرام بسبابك ضاع.

سيف ما حاولش يتدخل، حتى من حليمة،منى و سلمى هاد الاخيرة لي كانت كاتشوف فإكرام بكره بقاو غير واقفين، اما البشير كان واقف بعيد و غير كي ستغفر، حتى هو ما قادرش يتدخل حيت هادشي لي دارت إكرام هاد المرة لا يُغتفر.