خبز و ماء

𝑃𝐴𝑅𝑇❀25

🌸خُبْـــــــــــــزٌ و مَــــــــــــــاءْ🌸

♡الفصـــــــــل الثاني:لِقـــــــاءٌ قد تَأخـَــــــــر♡ 

✎𝑆ℎ𝑒 𝑊𝑜𝑙𝑓

𝑃𝐴𝑅𝑇❀25

سيف جالس و مقابلة معاه قمر،بحكم المرض ديالو فخدا إجازة مرضية حتى يبرا عاد يرجع لخدمتو.

قمر: وا دابا على كسوة قلنا ليك شريها لينا اتدير هاد الحالة

سيف: أه خاصكي تعلمي بلي ماشي اي حاجة فابور فهاد الدنيا، كلشي بالمقابل

قمر: وا راني مرتك

سيف: أه و لكن خاصك تعتامدي شوية على راسك، باش لا قدر الله مشيت من هاد الدنيا نمشي و انا مرتاح حيت خليت ورايا قمر قادة براسها

قمر: فمك لحسو كلب(هز فيها حاجبو) احم زعما مالك كاتفايل على راسك

سيف: كلشي ممكن

قمر(تنهدات بحماس): أنا اصلا أنولي مصممة معروفة

سيف(بتاسم): إن شاء الله، يالاه بدينا؟

قمر(تقادات فالجلسة): واخا سير

سيف:هانتي الى جاوبتي على عشرة الاسئلة صحاح غادي نشري ليك الكسوة إذا لا فبلا ماتحلمي

قمر: وا غير خمسة

سيف: لا

قمر: يالاه غير سبعة

سيف: لا

قمر:ثمنية يالاه، آخر ثمن غير قابل للنقاش

سيف: والو عشرة الاسئلة صحاح تساوي كسوة

قمر: يخ صافي بدا.

سيف:إمتى تولد الرسول صلى الله عليه وسلم

قمر: احم ف عام هادا

سيف(هز حواجبو): عام هادا...واخا ها أول سؤال خطأ،المهم الرسول تولد يوم الإثنين ف 12 من شهر ربيع الأول عام 571

قمر: همم هاكداك وا راه كنت بغيت نقولها غير تلفات ليا ديك ربيع الاول حساب ليا ربيع الثاني فهمتي

سيف: أه واخا بما انك كنتي عارفة إمتى تولد أكيد اتكوني عارفة شنو إسم العام لي تولد فيه