خبز و ماء

𝑃𝐴𝑅𝑇❀15

🌸خُبْـــــــــــــزٌ و مَــــــــــــــاءْ🌸

♡الفصـــــــــل الثاني:لِقـــــــاءٌ قد تَأخـَــــــــر♡ 

✎𝑆ℎ𝑒 𝑊𝑜𝑙𝑓

𝑃𝐴𝑅𝑇❀15

قمر غير سمعات آخر كلمة قال تقبط عليها قلبها،و إكتفت أنها تحدر راسها كاتبكي و كاتحرك ليه راسها بأه،هاد المرة حتى هي متافقة معاه،علاقتهم ما مبنياش على الثقة و هادشي كي خليها علاقة سامة حيت الثقة هي كلشي،حتى هي راه عيات حاولات معاه بزاف باش ينسا لي فات لكن كيف ما قال من الممكن سيف ما يرجعش كيف كان،و حياتها معاه في خطر بسباب العصبية و العدوانية ديالو معاها.

سيف تنهد و وقف شد ليها يديها و وقفها حتى هي،مد يديه و بقا كي مسح ليها فالدموع ما حدو كي مسح و الدموع كي هبطو.

سيف: سمحيليا بزاف أ قمر

قمر(شافت فيه كاتبكي):حنا غادي نكونو بخير ياك؟

سيف(حرك ليها راسو بأه): غادي نحاولو

قمر(مسحات دموعها):واخا(شافت فيه) كيف ما نتا سامحتيني على لي فات فحتى أنا غادي نسامحك،حيت أنا السبب فحالتك و بهاكدا غادي نكونو صفينا حساباتنا،و حتى نتا كنتي أول واحد نبغيه فحياتي(شافت فيه بحدة) لكن ماشي آخر واحد،أنا متأكدة غادي يجي لي يستاهلني(سكتات شوية و تكلمات بحرقة) و كانتمنى تلقا لي تستاهلك حتى نتا.

سيف كشر ملامحو بقا شحال كي شوف فيها فالتالي حرك ليها راسو.

سيف: بما أن طلاقنا إتفاقي فدغيا غادي نطلقو

قمر: إنشاء الله و دابا نخليك

تخطاتو بغات تمشي و شدها

سيف:ملي نشدو الشفارة غادي نعلمك

قمر: واخا

طلق منها و شافت فيه شوفة أخيرة عاد مشات،غير خرجات تنهد بضيق و مشا جلس، ما تاخد هاد القرار الا و هو متأكد منو،و حيت كي بغيها فمن الأحسن يبعدها عليه و إلا غادي توقع شي حاجة لي تخليه يندم حياتو كاملة.

حليمة فبيتها هازة ورقة ديال التحاليل،كاتبكي و يديها كي ترعدو بخوف،حسات ثاني بالردة و مشات كاتجري للدوش كاترد، حتى سالات و وقفات مشات غسلات حالتها عاد خرجات مشات جلسات كاتفكر كيفاش تقوليهم هادشي لي واقع معاها،ماكرهاتش ما تقوليهم والو و لكن طوال الزمان او قصار غادي يعرفو.