🌸خُبْـــــــــــــزٌ و مَــــــــــــــاءْ🌸
♡الفصـــــــــل الثاني:لِقـــــــاءٌ قد تَأخـَــــــــر♡
✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀9
شهقات قمر و شدات فحنكها مصدومة،شافت فيه و عينيها مدمعين يالاه بغات تدوي و هو يقاطعها بصراخو.
سيف(شد ليها يديها باش صرفقاتها و زير عليها): هاد اليد باقي تحط عليها نقطعها ليك فهمتي؟
قمر: أنا مقصدتش...
سيف ولاو عينيه حمرين بالأعصاب،نتر يديها و شد فإكرام لي كان عاجبها الحال،يالاه بغا يمشي و هي توقفو بصوتها.
قمر: شكون هادي لي مديتي يديك عليا بسبابها؟
سيف ضار راجع ليها و هو يشدو ثائر.
ثائر: تهدن أ صاحبي...
ثورية جات هي و سلمى، مشات النيشان عند قمر جراتها معاها.
أما سلمى ربعات يديها و بقات كاتشوف فسيف،هاد الأخير لي نتر يدين ثائر بشوية، رجع شد فإكرام و مشاو.
المشكل اليخت تحرك و ما عندوهم كي ديرو يمشيو، داكشي علاش رجع هو وياها للطبلة،سيف جلس و بقا كي حرك رجليه بعصبية، شافتو إكرام و هزات صاكها جبدات منو الدوا ديالو، كبات الما فكاس و عطاتو ليه.
إكرام: هاك شرب
سيف خداه من عندها و شربو،شاف فحنكها لقاه حمر.
سيف(حط يديه على حنكها):كي ضرك؟
إكرام: لا لا
قمر جراتها ثورية لسطح اليخت و جلساتها فلي فوتوي تما.
ثورية: صافي عجبك الحال؟ها هو صرفقك قدام كلشي (قمر غير ساكتة و كاتسمع ليها) نتي حالك ما بقا عاجبني وليتي كاتعصبي دغيا، أش واقع؟
سلمى(من وراها):الشراب أ ماما
ثورية(ضارت شافت فيها):أش كاتخربقي؟
سلمى:سوليها هي تجوابك
ثورية(شافت فقمر):هادشي بصح
(قمر كاتحلف على سلمى بعينيها) كاندوي معاك
قمر(تنهدات):أه
ثورية(شهقات و جلسات حداها بقات كاتضربها على كتفها):ويلي على السكايرية ولات تشرب(بقات كاتضرب و تعاير فيها حتى عيات...سكتات شوية كاتنهج و رجعات دوات) و لكن انا لي مني كلشي أنا بيدي لي صيفطكم.
أنت تقرأ
خبز و ماء
Romanceــــــــــــــــــ✷خبـــــــــــــز و مــــــــــــــاء✷ـــــــــــــــــ قصــــــة بعــــــنوان: 🍞خـــــبز و مـــــــاء💧 ✎ 𝑆ℎ𝑒 𝑊𝑜𝑙𝑓 ⛓️نبـــــــــذة عن القصـــــــة⛓️ خبــــز و مـــاء وجبــــته المفضلــــــة الوجب...
