🌸خُبْـــــــــــــزٌ و مَــــــــــــــاءْ🌸
♡الفصـــــــــل الثاني:لِقـــــــاءٌ قد تَأخـَــــــــر♡
✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀8
غير خرجو من عندو مشا ديريكت للطواليط كي غسل حنكو بهيستيرية، ما حملهاش تقيسو ولى كي عيفها، و خصوصا ملي شم فيها رحيت الشراب.
أما سلمى و قمر هبطوهوم لتحت و سدو عليهم،و هما تحت الصدمة، مشات قمر جلسات و هي شادة كتفها، الدقة لي عطاها قاصحة بزاف، مع هو صحيح عليها بزاف و هي غير رقيقة.
سلمى بقات غير واقفة عايفة تجلس تما، شافت فقمر و قالت.
سلمى: عجبك الحال؟
قمر(حمرات فيها): سلمى طالع ليا الخـ...را لراسي ما تدويش معايا.
سلمى سكتات، شافت حتى عيات و مشات جلسات حداها.
داز الوقت و البنات باقي لتحت،قمر رادة راسها للور و شادة كتفها،أما سلمى جاها النعاس و عينيها بداو كي تسدو،شوية غفات و حطات راسها على حجر قمر.
قمر خسرات سيفتها يالاه بغات تدفعها و هي تحبس ملي شافتها ناعسة و ملامحها كي بانو بريئين، زفرات و خلاتها.
عند سيف فالمكتب كان جالس حتى كي سمع الدقان.
سيف: دخل
تحل الباب و دخلات منو ثورية،وقفات مقابلة معاه و بقات كاتشوفيه شحال حتى فيقها من سهوتها.
سيف:شنو جابك ثاني؟
ثورية: احم أنا هي مامات سلمى
سيف(عقد حواجبو):نتي هي مها؟
ثورية: أه أنا الوصية عليهم بجوج
سيف:فراسك بلي هرسو الطوموبيل ديال العميد؟
ثورية: فراسي فين هو ندوي معاه باش نحلو هاد المشكل بلا ما يتآداو البنات.
سيف: العميد عطاني أنا القضية نتكلف بيها
ثورية: أنا مستعدة نخلص التعويض
سيف: واخا جلسي
جلسات ثورية و عطاها سيف ورقة،شافت الكفالة لي غادي يخصها تخلص و هما يخرجو عينيها.
أنت تقرأ
خبز و ماء
Romanceــــــــــــــــــ✷خبـــــــــــــز و مــــــــــــــاء✷ـــــــــــــــــ قصــــــة بعــــــنوان: 🍞خـــــبز و مـــــــاء💧 ✎ 𝑆ℎ𝑒 𝑊𝑜𝑙𝑓 ⛓️نبـــــــــذة عن القصـــــــة⛓️ خبــــز و مـــاء وجبــــته المفضلــــــة الوجب...
