خبز و ماء

𝑃𝐴𝑅𝑇❀11

🌸خُبْـــــــــــــزٌ و مَــــــــــــــاءْ🌸

♡الفصـــــــــل الثاني:لِقـــــــاءٌ قد تَأخـَــــــــر♡ 

✎𝑆ℎ𝑒 𝑊𝑜𝑙𝑓

𝑃𝐴𝑅𝑇❀11

🕯و إن الكــــره ليرتجـــف أمـــام الحــــبّ ،

و إن الحــــقد ليهــــتز أمــــام التسامــــح ،

وإن القســــوة لترتعــــش أمــــام الرقـــــة واللّــــين🕯

سيف خرج من الدار و رجع لعند إكرام،بقا جالس معاها فالغرفة لي حولوها ليها،گاع الأجهزة الطبية دايرين بيها،شد ليها يديها و بقا كي شوفيها،ما يقدرش يتخيل حياتو و هي مافيهاش،كي عتابرها أكثر من ختو و بنتو،علاقتهم ما كاتوصفش بالكلمات.

حليمة و منى رجعو للدار من بعد ما وصاهم سيف ما يحلوش عليها،لكن ملي سمعو غواتها ما قدروش يخليوها هاكداك،تافقو يقلبو على السوارت ديال لاكاب،منى مشات لبيتو و حليمة مشات للمكتب،عياو ما يقلبو فالتالي خرجو.

منى: لقيتيه

حليمة: لا غالبا داه معاه

منى: و شنو نديرو دابا و الدرية قربات تحماق من البكا و الغوات.

حليمة: و الله ما عرفت حتى من الباب ديال الحديد مايمكنش نفرعوه.

منى:خاصنا ضروري نلقاو شي حشومة هادشي.

عند قمر لتحت لي شبعات بكا، حتى صافي حسات براسها غادي ينفاجر،عندها فوبيا من الحشرات أكثر حاجة كاتكرها فهاد الكون هما الحشرات بجميع أشكالها،دورات عينيها على البيت ما كي بان ليها والو حيت طفا عليها الضو،و هادشي لي مخليها تمـ...وت بالخوف خصوصا و أنها كاتسمع صوت ديال الحشرات كي تحركو،شوية كاتحس بشي حاجة كاتمشى ليها فالجسم ديالها،بقات كاتسوس فحوايجها بطريقة هيستيرية و كاتبكي و تغوت ربي لي خلقها.

قمر: عفاك حل ليا غادي نمـ...وت ...حسات ثاني بشي حاجة كاتحرك فيها و بقات كاطرطا و تنفض الملابس ديالها،حتى من شعرها شبعات فيه نتيف.

منى و حليمة سمعو الغوات تزاد عن حدو هبطو عندها كي جريو.

منى(من ورا الباب):قمر قمر

قمر (غير سمعات صوتها مشات حدا الباب كاتضرب فيه): عفاك حلي ليا الباب شي حاجة كاتحرك ليا فلحمي هء هء