خبز و ماء

𝑃𝐴𝑅𝑇❀27

🌸خُبْـــــــــــــزٌ و مَــــــــــــــاءْ🌸

♡الفصـــــــــل الثاني:لِقـــــــاءٌ قد تَأخـَــــــــر♡ 

✎𝑆ℎ𝑒 𝑊𝑜𝑙𝑓

𝑃𝐴𝑅𝑇❀27

سلمى بقات شحال متكية و كاتفكر فهادشي لي دارت، فالتالي تقادات فالجلسة، طلعات السماطي ديال الكسوة و تنهدات بندم.

أما هو خرج ما بقاش جا حتى الليل و مامشاش للبيت لي فيه سلمى، مشا لبيت آخر،سلمى بقات شحال كاتسنى فيه فاللخر ستسلمات للنوم.

جا الصباح و فاقت سلمى، هبطات لتحت من بعد ما قضات روتينها الصباحي، لقات بشرى، فايزة و يونس جالسين على طاولة الفطور و كي فطرو.

سلمى: صباح الخير

بشرى و فايزة: صباح الخير

شافت فيه لقاتو مامسوقش ليها،تنهدات و جلسات فالكرسي، بقات كاتفطر و هي حاضياه بنص عين و كاتسناه يدوي معاها، لكن ما عبرهاش حدو كي هدر مع مو و ختو.

سالا و وقف،مشا باس راس مو و عنكش لفايزة شعرها عاد خرج و بلا ما يودع سلمى.

بشرى: مالكم أ بنتي

سلمى: مقلق مني أ خالتي

بشرى: إوا صالحيه

سلمى تنهدات و حركات ليها راسها،سالات الفطور و مشات طلعات لبيتها كاتفكر كيفاش تصالحو.

وصل الليل و جا يونس معطل من الخدمة،مشا النيشان للبيت لي بات فيه البارح، دوش، لبس حوايجو و تلاح فالناموسية، شوية كي وصلو ميساج من التيلي، هزو و دخل ليه لقا سلمى مصيفطة ليه"أجي دابا و دغيا"
سد التيلي و حطو حداه، رجع غمض عينيه شوية بداو ميساجات كثار كي وصلوه، زفر بغضب و هزو لقاها مصيفطة عرام ديال الميساجات فيهم: فينك، أجي، سربي، راه واقيلا شفار دخل عليا.

والو ما جاوبهاش،شوية بدات كاتعيط ليه و هو كي قطع عليها،صيفطات ليه اوديو و دخل باش يسمع ليه.

سلمى(بصوت باكي): وا فينك أجي عافاك

تنهد يونس بقلة حيلة و ناض باش يمشي لعندها،غير وصل حل الباب، لقا أضواء خافتة و الشمع داير على البيت، و الوسط كاينة طبلة فيها الماكلة.

عقد حواجبو بإستغراب و دخل كي قلب عليها بعينيه، شوية كاتبان ليه جايا لابسة شوميز دو نوي مثيرة فالأحمر، طالقة شعرها و دايرا ميكاب خفيف، المهم كاتبان زوينة.