خبز و ماء

𝑃𝐴𝑅𝑇❀4

🌸خبـــــــــــــز و مــــــــــــــاء🌸

♡الفصــــــل اللأول:في ذلك الشتــــاء،أحببتــــك♡ 

✎𝑆ℎ𝑒 𝑊𝑜𝑙𝑓

𝑃𝐴𝑅𝑇❀4

🥀الذي قال أن الفقر ليس عيباً كان يريد أن يكملها ويقول : بل جريمة,ولكن الأغنياء قاطعوه بالتصفيق الحار🥀

كلاو و سالاو و جا الوقت لي خاصهم ينعسو فيه...من نهار جات إكرام و هما كي نعسو فالمرح....مخليين البيت ليها...إكرام قبل ما تمشي للبيت تنعس بانو ليها كي قادو بلاصتهم باش ينعسو....حسات براسها ثقلات و كثرات عليهم...داكشي علاش قررات تخليهم يرجعو ينعسو فبيتهم هادي اقل حاجة ممكن تدير على قبلهم.

إكرام(وقفات عليهم):ممكن نبقا نعس هنا؟

سيف(شافيها):لا البرد عليك هنا

إكرام: لا ما كي جينيش البرد گاع

قمر(تحنات و شدات ليها فيديها): حبيية راه البيت سخون على هنا و دابا راه البرد قصاح ماتقدريش عليه.

إكرام(حركات راسها بلا):لا انا مولفة البرد و اصلا بغيت نبقا نتفرج...البيت مافيهش تلفازة.

قمر شافت فسيف لي دار ليها حركة براسو بمعنى خليها.

قادات ليها قمر بلاصتها و غطاتها...عاد مشات لبيتها لقات سيف متكي...مشات تلاحت حداه معنقاه.

قمر: الله هنا سخون

سيف: ديما كنت كانقوليك نعسي حداها هنا نتي لي مابغيتيش.

قمر: على انا نقدر نخليك بوحدك؟مستحيل.

سيف(شافيها):عمرك تخليني؟ واخا يوقع لي يوقع؟

قمر(باستو بوسة خفيفة ففمو):أبدا ا حياتي مانقدرش.

سيف بتاسم و زاد جرها لعندو مخشيها فيه...رتاح نسبيا بعدا من كلامها.

جا نهار جديد...لي فاق فيه سيف هو الاول...وجد الفطور...اتاي خبز و الزيت و الزيتون...حط داكشي و خرج جاب الفرماج و بتيبان لقمر و إكرام....حط داكشي فالمرح و غير بشوية باش ما يفيقش إكرام.

مشا عند قمر كي فيق فيها بالبوسان كيف ما كاتدير ليه...فاقت و مشات دوشات بالخف عاد مشات للمرح لقات إكرام فاقت....جلسو كي فطرو مجموعين.