خبز و ماء

𝑃𝐴𝑅𝑇❀17

🌸خُبْـــــــــــــزٌ و مَــــــــــــــاءْ🌸

♡الفصـــــــــل الثاني:لِقـــــــاءٌ قد تَأخـَــــــــر♡ 

✎𝑆ℎ𝑒 𝑊𝑜𝑙𝑓

𝑃𝐴𝑅𝑇❀17

قمر مع سمعات أش قال وحلات ليها الضغمة،بقات كاتكحب و هو كي شوفيها.

سيف(هز كاس ديال الما و عطاه ليها):هاكي و بشوية عليك

قمر: كح كح كح

خدات من عندو الكاس و هبطات عليه دقة وحدة، حتى حسات براسها مزيان عاد شافت فيه و عينيها حمرين و مدمعين.

قمر: وحلتيها ليا

سيف(صغر فيها عينيه):هاد ردة الفعل كاتعني حاجة وحدة.

قمر:لا كاتعني جوج حاجات أولا حيت صدمتيني بهاد الكلاخ ديالك،واش غير حيت تشهيت الرفيسة صافي راه حاملة؟

سيف(حرك ليها راسو بواخا): واخا و ثانيا؟

قمر(ما عرفات ما تقول):ثانياااااا حيييت اممم (طاحت ليها فكرة فيالها و بتاسمات إبتسامة شيطانية) احم حيت ما يمكنش نحمل منك.

سيف(عقد حواجبو بإستغراب): و علاش؟

قمر(شافت فحجرو و رجعات شافت فيه): حيت ما فإيدكش (عضات على شفايفها حابسة الضحكة)

سيف(خرج فيها عينيه، شوية ربع يديه و حك لحيتو): واخا و شكون لي كي بقا يغوت الليل كامل بعافاك حبس باراكا.

قمر: احم راه غير بلعاني كاندير دوك الأصوات باش ثيق فراسك، ماكانبغيش نحرجك.

سيف:واخا صافي حتى الليل و نتأكد من هاد الهدرة

قمر(خرجات فيه عينيها): سير فحالك كاتحلم هاي هاي(كاتبدل الموضوع) يخ ما بقيت بغيت ناكل گاع حرمتي عليا هاد الرفيسة.

سيف(شاف فالطبسيل و رجع شافيها): اش خليتي فيه أصلا

قمر: ماشي انا لي كليتو ولد..احم صافي يالاه نمشيو.

سيف(هز فيها حواجبو):عرفتي شنو يالاه للطبيبة

قمر(توترات):ء؟ لا أنا ماكانحملش الصبيطار

سيف(حرك ليها راسو):ماشي مشكل نعيط على الطبيبة هي تجي و تكشف عليك

قمر(تعصبات):وا بنادم راه ما حاملاش