خبز و ماء

𝑃𝐴𝑅𝑇❀13

🌸خُبْـــــــــــــزٌ و مَــــــــــــــاءْ🌸

♡الفصـــــــــل الثاني:لِقـــــــاءٌ قد تَأخـَــــــــر♡ 

✎𝑆ℎ𝑒 𝑊𝑜𝑙𝑓

𝑃𝐴𝑅𝑇❀13

🤍وتسأليني ما الحب؟ الحب، أن أكتفي بك ولا أكتفي منك أبداً🤍

خرج من القاعة من بعد ما سالا كلامو،هاد اللقاء نتاشر كالنار في الهشيم،گاع المنابر الإعلامية كي دويو على رجولتو و شهامتو فالدفاع على مرتو و ختو،هاد الجوجات لي كانو گالسين فالصالون كي تفرجو وكي بكيو، ثورية، حليمة منى و إكرام حتى هما جالسين معاهم.

سلمى: شفتي خويا مسكين

قمر: شفتي راجلي مسكين

سلمى: الى نتي راجلك انا راه خويا

قمر: الى نتي خوك انا راه راجلي.

ثورية: واش ماغديش تسكتو

إكرام وقفات معصبة و مشات لبيتها،غير دخلات جمعات قبضة يديها و ضرباتها مع الحيط بعصبية.

غير كاتشوف قمر كاتفكر حالة سيف لي كانت هي سبابو، هذا هو السبب الوحيد لي كي خليها تكرهها،من غير أنها مغيارة و كاتبغي إهتمام سيف يكون كلو ليها،و حتى حبو ليها كإمرأة ما بغاتوش حيت عارفاه حب مستحيل،بما أنها على إسمو إذا راه متبنيها و كاتعتابر بنتو فالقانون،لكن معزتو عندها كبيرة بزاف و ماكاتبغيش تشوفو كي تآذى و أي واحد آذاه فكتكرهو بحال قمر و فخر.

هاد الأخير لي كان جالس فالمكتب ديال باه و مزير على يديه و هو كي شوف باه كي تفرج فسيف و باين علامات الإفتخار على وجهو، تعصب و وقف خرج فحالو گاع.

سيف دخل للدار، غير شافتو سلمى و قمر مشاو بالجرى لعندو عنقوه.

سلمى: تساخري لهيه شوية(شافت فسيف)شكرا بزاف أ خويا.

قمر:كانبغيك كانبغييييك

سلمى: تبغيك لفعة.

سيف بقا واقف مبتاسم كي شوفيهم،هز يديه و بادلهم العناق.

سيف: ها مشكل و حليناه(شاف فقمر) بقا لينا غير المشكل ديالك.

قمر: ما حدك معايا كلشي ليه حل.

بتاسم و زاد خشاها فيه، سلمى بعدات و كشرات ملاميحها بحزن،يالاه بغات تمشي و هو يجرها،بعد قمر و عنقها حتى هي.