خبز و ماء

𝑃𝐴𝑅𝑇❀19

🌸خُبْـــــــــــــزٌ و مَــــــــــــــاءْ🌸

♡الفصـــــــــل الثاني:لِقـــــــاءٌ قد تَأخـَــــــــر♡ 

✎𝑆ℎ𝑒 𝑊𝑜𝑙𝑓

𝑃𝐴𝑅𝑇❀19

في سعيك للإنتقام أحفر قبرين أحدهما لنفسك
                                🖤🖤  

فخر جالس فمكتب التحقيق و قدامو سيف و يونس،ما كي شوفش فيهم نهائيا حادر راسو و كي شوف فالأرض، التفكير ديالو حاليا غير فإكرام لي غدراتو و فالنهار لي عتارف ليها فيه، و هو غارق فاالأفكار ديالو حتى كاتجيه لكمة من عند سيف خلاتو يطيح من الكرسي.

سيف: أنا كاندوي معاك و نتا ساكت؟

يالاه بعا يمشي لعندو و هو يشدو يونس

يونس: تهدن أ صاحبي

سيف: طلق مني ا يونس

فخر وقف و رجع جلس بلاصتو بلا ما يدوي و لا يهدر،سيف شافو هاكدا بارد زاد تعصب،يونس بانت ليه القضية حامضة جرو و خرجو لبرا.

يونس: تا مالك صاعر ا صاحبي خلينا بعدا نعرفو أش وقع من لسانو

سيف(خنزر فيه): واش عرفتي الحالة لي لقيت فيها إكرام؟ أش غادي نسمعو منو مازال؟

يالاه بغا يجاوبو يونس حتى كي قاطعو صوت بدر لي غير عرف بشنو وقع جا ديك الساعة.

بدر: سيف

سيف(شافيه):جيتي، عرفتي ولدك أش دار؟

بدر(بحسرة):وي عيطات ليا ثورية

سيف: فنظرك شنو المعمول

بدر: أنا عييت معاه ا ولدي، هو رتاكب جريمة و خاصو يتعاقب عليها، دير لي عليك و انا من عندي ما غاديش نتدخل.

سيف(حرك ليه راسو): دوي معاها ماتحاولش تدخل فهاد القضية حيت ما غاديش نرحمو

بدر(تنهد):غادي ندوي معاها

سيف:من الأحسن

تخطاه و رجع دخل لعند فخر، في حين يونس شاف فبدر و سولو.

يونس: ما غاديش تدخل لعندو؟

بدر(بقا ساكت شحال):لا من الاحسن لا

يونس: واخا