خبز و ماء

𝑃𝐴𝑅𝑇❀24

🌸خُبْـــــــــــــزٌ و مَــــــــــــــاءْ🌸

♡الفصـــــــــل الثاني:لِقـــــــاءٌ قد تَأخـَــــــــر♡ 

✎𝑆ℎ𝑒 𝑊𝑜𝑙𝑓

𝑃𝐴𝑅𝑇❀24

فوسط المستشفى كانو كاملين جالسين على أعصابهم و كي تسناو يسمعو شي خبار لي تفرحهم،سيف أول ما سمع الخبر مشا النيشان للسبيطار، كانو ديك الساعة يالاه جابو فخر لي كان مضروب فراسو لكن إصابة ماشي خطيرة في حين إكرام لي كان عندها شوية ديال الزهر و الطوموبيل وحلات فواحد المنحدر صخري فالوسط ديال الجرف و جبدوها غير بزز حيت اي خطأ و لو صغير غادي يخلي الطوموبيل تطيح لتحت و ما يلقاو ما يجبدو فيها، رغم ذلك إصابتها كانت خطيرة و النيشان جابوها للمستعجلات.

سيف غادي جاي قدام غرفة العمليات و قلبو كي ضرب على الجهد من الخوف، واخا طمأن على خوه لكن إكرام باقا لساعات فوسط العملية،البنات و ثورية كلهم حاضرين.

شوية كي بان ليهم الطبيب خارج، مشا سيف لعندو وقف عليه و سولو بخوف.

سيف: باقا حية ياك؟

الطبيب(تنهد): المريضة وصلات لعندنا في حالة خطيرة لكن الحمدلله قدرنا نعتقوها، و لو تعطلو غير شوية كنا فقدناها.

سيف(تنهد براحة):و دابا هي بخير

الطبيب: قدرنا نقذوها من المو*ت لكن عندها إصابة على مستو الكبد و خاصها ضروري عملية الزراعة، زائد انها تصابت فالعمود الفقري الشي لي غادي يتسبب ليها فشلل على مستوى الارجل لكن باقي مامتأكدين من هاد القضية حتى تفيق المريضة.

سيف بقا غير مكوانسي فبلاصتو و كي سمع لهدرة الطبيب،أما البنات تصدمو و بداو كي بكيو من غير منى لي مشات لعند سيف و حركاتو من كتفو حتى قفز.

منى(شافت فالطبيب): عملية الزراعة إمتى خاصها تدار؟

الطبيب: في القريب العاجل حيت الكبد ديالها متضرر

منى: نقدرو نتبرعو؟

الطبيب: من الأفضل حيت لاليست ديال الانتظار غادي تكون طويلة و نقدرو نخسرو المريضة و حنا كانتسناو النوبة.

منى: واخا انا مستعدة نتبرع

الطبيب: لازم هو الأول نديرو فحوصات طبية باش نعرفو واش تقدري تبرعي أو لا

سيف(أخيرا وعى على راسو): أنا غادي نتبرع

الطبيب: واخا تفضلو معايا باش باش ندير ليكم تقييم صحي باش نشوفو واش قادرين تبرعو.