مايَان | MAYAN

٥

كان عبدالملك يتروش وطلع وهو يلف المنشفه على خصره و وحده على راسه واكتافه وكان جواله يرسل وراء بعض

توقع انه احمد لان هو الوحيد الي يراسله بسناب لكن هالمره كان ايموجي بنت وحاطه اسمها ( َ ) وقعد على كرسيه وهو يشوف وش مرسله

'اهلًا عبدالملك حابه اتعرف عليك'

استغرب عبدالملك وارسل لها استفهام وكانت موجود علطول فتحت الرساله وطولت وهي تكتب حتى طلع عبدالملك وطفى جوال وقام يجفف شعره ولبس فنيله وسروال هالمره وانسدح على سريره واخذ جواله يحط له منبه وشاف اشعاراتها ودخل عليها

كانت مرسله له كلام كثير وبداء يقراهم ..

..

الجمعه الساعه 9:21 الصباح :

قامت هدى وهي معها مسبحتها وكانت عايشه بالمطبخ وكان وجها مصفوق

هدى:
"عايشه سوي قهوة..شفيك كذا؟"

سألت هدى عايشه الي سكتت حتى لفت على الصاله وشافت ولدها عبدالملك كان يتقهوا ويتفرج بجواله

هدى:
"عبدالملك قايم بدري؟"

عبدالملك:
"مانمت"

هدى:
"مانمت من امس!"

عبدالملك:
"نمت الي فيه كفايه"

هدى:
"لا تشرب قهوه ورح خذ غطه واذا اذن بقومك وجهك تعبان"

عبدالملك:
"ابوي وينه"

سأل عبدالملك امه الي كانت تناظر بنتها وهي تناظر من المطبخ

هدى:
"طالع من الفجر لمزرعته"

اومأ براسه عبدالملك وقعدت امه قدامه وهي ماتدري شسالفه ..

هدى:
"اذا جيت من الصلاه لازم ترتاح زين؟"

عبدالملك:
"ليش وش فيه"

هدى:
"عبدالملك انا قررت بقرار ودامك تبي رضاي ابيك تسمع لي"

كانت عايشه بالمطبخ وهي تسمع امها وتنفي براسها لها لكن هدى ما انتبهت لها ومكمله لولدها الي نزل جواله يناظر لها

هدى:
"بخطب لك وحده مؤدبه وسنعه واليوم بنروح زين؟"

عبدالملك:
"عطيهم خبر طيب انا بنروح لهم"

هدى:
"ولله ان عايشه كانت تقولي بيعصب عبود بس ولدي اعرف انه بيسمع لي"

عبدالملك:
"مين هم؟"