يوم الثلاثاء الساعه 6:33 المغرب :
كان ناصر في صالة بيته وعنده امه تتقهوا مع ولدها
ام ناصر:
"عسى ما شر ياولدي وينها مرتك؟"
ناصر:
"هلا، تقول مشتاقه لاهلها"
ام ناصر:
"مسرع توها ماشيه من عندهم؟"
ناصر:
"لا معليه اذا بغت تجي تدق علي اروح اخذها"
ام ناصر:
"المهم انكم متفاهمين"
ناصر:
"الحمدلله"
سكت ناصر وماعلم امه طول المده الي راحت فيها مي عن اهلها عن مشكلتهم على امل انها تصحى ..
وبنهاية اليوم دق فارس على ناصر يطلب منه يجي يحلون مشكلتهم ولانهم توهم في بداية عمرهم
..
فارس:
"انا كلمت على ناصر يجي لانك مو راضيه تعلميني سبب هوشتكم ولا انك راضيه تروحين معه!"
كانوا بصاله مي وميَان والمها وفارس بس وكان ابوها يقصد مي بكلامه
المها:
"ليش ماعلمتني يا فارس!"
فارس:
"يعني انتي وبنتك ماتبون تعلموني؟؟"
مي:
"ابوي تراها سوالف حريم وبينا ولا تبيني اروح ماتبي قعدتي عندك؟"
فارس:
"وش قاعده تقولين انتي؟"
مي:
"ايه انا تدق على ناصر ياخذني وميَان تبيها تقعد عندك!"
فارس:
"انتي منهبله؟، ميَان جايه لان رجالها عنده شغل ومضغوط"
المها:
"مي اوزني كلامك وانا امك"
مي:
"حتى انتي ضدي!!"
قامت مي زعلانه منهم وطلعت من عندهم ولف فارس على زوجته وهو يبي يعرف السالفه وميَان مالها حس
فارس:
"ولله لو ماتعلميني وش عندها ذي تزعل كذا ماراح يمر عليكم اليوم بخير!، وليش من جت وهي ميَان وميَان وش تبي بأختها!"
المها:
"فارس لا تدخل بينها وبين اختها انت تعرف من البدايه ان عبدالملك جاء لمين وبعدين اخذ مين وهي مو متقبله ان عبدالملك اخذ اختها وبس"
فارس:
"لعنبوا بليسك انتي وبنتك مي تقولين لي بس وكأنه شي عادي وهي حتى وهي متزوجه ناصر برضاها تفكر بواحد ثاني متزوج بعد وين حنا عايشين؟؟"
