بعد اسبوعين من زواج مي بعد العشاء ..
فارس:
"ليش آمال ما تساعد ميَان؟"
المها:
"نعم؟، ميَان ماعندها شي تساعدها على ايش بعدين لازم تتعلم ميَان الشغل مردها بتزوج"
فارس:
"بس انا طول اليوم شايف ميَان ماطلعت من المطبخ"
المها:
"ميَان وهي كبر ميَان ما غسلت ملابسها تبيها الحين تقوم آمال وتكرف لازم العدل"
فارس:
"عاد انا وقتها مدلعكم وخدم بس خلاص مو طول العمر ولازم آمال تساعد ميَان"
المها:
"البنات تعودوا على الخدم ياجب لهم خدامه ولا لا تدخل"
فارس:
"زين اجل مي طلعت من بطنك والخدم حولها بيجيب لها رجالها خدامه؟"
المها:
"وانت وش دخلك يتفاهمون"
فارس:
"لا تقولين وش دخلني هذا حتى الشيخ يقولها دام البنت متعوده على الخدم عند اهلها يجيب لها اذا قادر انا مدللها هنا وتروح هناك تكرف له كان خليتها تنفعني من البدايه"
المها:
"البنات مايبون خدامه ولا شي لا تخرب مستقبل بناتك افهم!!"
جت ميَان وقعدتهم معهم وهي توها تطلع من المطبخ
فارس:
"الا يبون!، ميَان تبين خدامه؟"
ميَان:
"ايه ابغى!، معرف اتحمل كل ذا الكرف"
فارس:
"شفتي، خليها يجي هو ومي لازم امسكه واعلمه"
المها:
"مستقبل بنتي!!"
قامت المها من عنده معصبه واخذ فارس بيالة الشاهي يحاول يتجاهلها وميَان مو فاهمه شي بس قربت من ابوها وقعدت جنبه بمكان امها
ميَان:
"ابوي راح تجيب خدامه؟"
فارس:
"ولله اني مضغوط الفتره ذي وانا ابوك"
ميَان:
"طيب ليش سألتني اولا؟"
فارس:
"قصدي بعدين اذا تزوجتي تبينه يجيب لك خدامه او لا"
ميَان:
"اها"
فارس:
"اذا كنتي تبين لازم تقولين لي عشان مثل ما انا مدلعك انتي وخواتك وهو يجي يكرفكم لا!، عاد انتي ما شاء الله داقين على امك ثنتين"
ميَان:
"من الي داق وش يبون؟"
فارس:
"ماعلمتك امك؟؟، هذي راح تجنني!!"
