البارت التاسع عشر.
عمار بيأس: اعذرنى يا ياسر، عندى ظروف خاصة، عارف انى ملحقتش استلم شحنة المخدرات بس ملحوقة هرجع اسافر تانى والموضوع هيتم، عارف والله ان الكبير زعل بس غصب عنى، اقنعه بس ان كل حاجة هتتم عشان ميقلبش عليا مانت عارفه..
اتصدمت لما سمعت كلامه، مكنتش قادر تستوعب، اعصابها سابت وخارت قواها ووقعت فى الارض.
واغمى عليها، عمار التفتت برعب لما سمع حاجة بتتهبد على الارض، بص لقاها نيروز مغمى عليها.
جثى على ركبته جمبها برعب وحاول يفوقها بس مكنتش بتفوق، شالها بخوف وحطها على السرير وطلب الدكتور بسرعة وهو بيشد شعره بخوف..
قعد جمبها ومسح على شعرها بحزن:
= ايه الى جرالك، معقول تكونى سمعتنى !! اوووف يخربيتك يا ياسر الزفت، ربنا يستر، ربنا يستر.
جيه الدكتور تحت استنكار من سمر اللى شافته، ودخل كشف عل نيروز تحت انظار عمار اللى كان قلقان ومرعوب عليها، الدكتور لم حاجته ومعالمه مبشرة ومبتسم..
عمار بقلق: خير يا دكتور مالها نيروز !!!
الدكتور ببسمة: متقلقش الوضع طبيعى وميخوفش المدام حامل فى اسبوعين.
عمار اصابته الصدمة، مش ممكن يكون ده صح !! هى المفروض بتاخد مانع للحمل ازاى ده حصل !!
فضل ساكت وسمر وصلت الدكتور وحاسبته وهى مضايقة ومتعصبة، ورجعت تانى لعمار الاوضة.
سمر بغضب: أأنتَ اتجننت يا عمار صح !!؟
عمار نفخ بتعب: انا نفذت كلامك على فكرة وهى كانت بتاخد الحبوب بس معرفش ازاى..
سمر اتعصبت: واحنا كان مالنا بالهم ده، انا قولتلك مش هقبل حفيد غير من نهى انما الخدامة دى لا.
عمار باختناق: واهو حصل، وانا مش هفرط فيه.
سمر بجنون: لا والف لااا انت عايز ولى العهد تبقى نيروز امه، انت اتخبلت فى مخك يا واد.
عمار صرخ فيها: يوووه ما تسكتى بقي، مش كفاية اجبرتينى اديها الحبوب عشان متخلفش طب اهو حصل هنعترض على امر ربنا !!!
سمر بصرامة: العيل ده هينزل يعنى هينزل.
عمار بنرفزة وصوت عالى: وانا قولت لا كفاية بقي ارجوكِ، نفسي اعيش فى راحة بال، ليه مشتتانى!!
سمر: انا قولت اللى عندى، ولو محصلش ولا انت ابنى ولا اعرفك يا عمار، فاااهم ومراتك زعلانة ع فكرة ابقي روحلها شقتها حرام عليك.
وخرجت ورزعت الباب وراها، عمار قعد وحط ايده على دماغه ودموعه نزلت من التعب والهموم اللى شايلها على كتافه، هو م هيقدر يضحى بحتة منه، حتى لو امه هى اللى امرت..
أنت تقرأ
طفلتى الحزينة 🦋 لـ فيروز مغازى (كاملة)
Lãng mạnعاشت حياتها فى انتظار فارس احلامها الوسيم الذى سياخذها على حصانه الابيض ليخلصها من حياتها التعيسة مع ابيها وزوجة ابيها، حتى اتاها من ظنته عوضها لتبدأ معه ماساة ومعاناة اخرى، هل ستعيش طوال حياتها تعيسة، ام سيعوضها الله بمن يستحقها !!
