طفلتى الحزينة 🦋 لـ فيروز مغازى (كاملة)

طفلتى الحزينة (2)

البارت التانى.

عتمان: النهاردة فى واحد كلمنى عليكى، واحد ابن ناس ومحترم، طالب ايدك للجواز..

نيروز شهقت: عريس !!

عتمان: ايوة..

نيروز دمعت: بابا متقولش إنك موافق..

عتمان: موافق طبعاً ده عريس لؤطة،  ومعاه محل ملابس كبير جداً، وطبعا ليه فروع كتير، يعنى ابن ناااس مصفى..

نيروز بدموع: بس أنا مش موافقة، بابا أنا 16 سنة، يعنى لسه طفلـة مش كبيرة للدرجة انى اتجوز.

عتمان : هتوافقى ورجلك فوق رقبتك، وانتي مش صغيرة ولا حاجة، مانتى اهو ماشاءالله كبيرة كفاية.. جهزى نفسك عشان هو قال انه جاى النهاردة مع اهله عشان نحدد موعد الخطوبة وعشان نقـرأ الفاتحة..

خرج ورزع الباب خلفه، نيروز ارتطمت على السرير بتعيط بحرقة من ظلم ابوها ليها وقسوته عليها.. عمره ما حبه، والله بتحس كده من تصرفاته..

بعد وقت، دخلت تيسير الأوضة لقتها مكانها،

بصتلها بقرف وقالت:

- قومى البسي حاجة عدلة العريس اتصل وقال أنه على وصـول..

نيروز بصتلها بترجى: طنط عشان خاطرى، أمنعى الجوزاة دى، والله بابا بيسمع منك..

تيسير بقسوة: مليش دعوة.. ألبسي يلا..

تيسير خرجت بجبروت وقسوة..

نيروز بدموع: مش هسامحك يا طنط ولا هنسي إنك ممنعتيش الجوازة دى، وانت فى إيدك تمنعيها.

لبست فستان من عندها، كان فستان متهالك قديم بس كان أفضل حاجة عندها، لبست وعدلت شعرها بمرارة، وبعد وقت خرجت للعريس..

قعدت جمب أبوها..

عتمان بفخر: دى نيروز بنتى يا سمر هانم، سلمى ع حماتك يا نيروز..

نيروز بصت لسمر: أزيك يا طنط..

سمر بعجرفة: أهلا.. بصت لابنها وقالت بغيظ مكتوم، ملقتش غيرها يابنى، ايه اللى عجبك فيها.

العريس: أمى، عشان خاطري، مش عايز الجوازة تبـوظ..

بص لعتمان واتكلم بابتسامة متكلفة..

_ أنا يشرفنى جداً اطلب ايد الانسة نيروز بنت حضرتك للجـواز، ومستعد لاى طلبات..

عتمان ابتسم بطمع، وابتدى يطلب مهر غالى، طلب حاجات كتير، اكيد مش لنيـروز كانت ليه هو، بعد ما خلص العريس وافق ، طلب يقعد مع نيروز لوحدهم عشان تتعرف عليه..

عتمان: من عينى يابنى.. نيروز خدى عريسك البلكونة، اتكلمى معاه شويه..

نيروز وقفت غصب عنها وعيونها فى الأرض.