البارت الثالث والعشرون
• البارت ده مليان بالدراما والعياط حضرولى علبة المناديل جمبكم عشان انا مش هعيط لوحدى 🥺.
#طفلتى الحزينة.
بقلمى فيروز مغازى
« فى كلية طب إسكندرية »
قاعدة بتلعب فى شعرها وسرحانة فيه اللى بعد تغيره عشانها زاد حبه فى قلبها وبقت متيمة بيه، وناسية أمر محاضرتها الاخيرة تماماً.
جت صحبتها فرح لقتها سرحانة كده.
فرح: مش هنبطل سرحان فى سيف بقا، هتخلينى ادعى يرجع بتاع بنات زى زمان.
هند بغيظ: تفى من بؤقك يا حيوانة، سيف حب عمرى انا ومفيش بنت هتملى عينه غيري.
فرح بسخرية: عشان كده لحد دلوقتي مش عايزة تسمعى كلامى وتتغيري عشانه يا هند.
هند بتعجب: اتغير اعمل ايه يعنى!؟؟
فرح: تعالى معايا البيوتى سنتر واقولك.
هند ضحكت: لا طبعاً مش هعمل كده ده يقتلنى، سيف بيحبنى بنفس شكلى ده ومش هتغير.
فرح بسخرية: عشان كده اعترفلك يا هبلة.
هند حزنت: تصدقى تصرفاته كلها حب بس عمره ماقالها، تفتكرى مش بيحبنى!!
فرح: البسي حلو واعملى شعرك وشيلى النضارة، وهنعرف اذا كان بيحبك ولا لا.
هند: طيب اقتنعت، بكرة.
فرح شدتها: لا يا حب دلوقتي.
هند: والمحاضرة.
فرح: هنبقي نجيبها من البنات.
هند: استنى بس يا فرح..
فرح بصرامة: بنت.
هند ضحكت: عُلم يا سيدتى.
وفرح خدتها للبيوتى سنتر، هند كانت فى حالة من الرهبة من ردت فعل سيف لانهم فى اخر الفترات، كانوا متفاهمين بياخدوا أراء بعض فى كل حاجة، ودلوقتى هى بتعمل حاجة كبيرة زى دى من وراه بس فرح اقنعتها فالاخر وخلتها عملت شعرها قَصة لاول مرة بتعملها وكانت لايقة عليها...
وبعد ما خلصت، خدتها فرح لبيتها وخلتها تنقى فستان من عندها، وهند لبسته فعلاً
بصت لنفسها فى المراية كانت لسه لابسة نضارتها..
فرح شالتها منها: لا دى كده غلط.
هند: هات يا بت مش شايفة.
فرح: أمال اللينسز لزمته ايه، استنى.
وجابتلها اللينسز اللى كانت هند شيلاه معاها من زمان بعد ما امها ثريا عملته ليها وهى رفضته.
هند بياس: أنتِ هتودينى فى داهية.
فرح ركبته بعد معاناة وبقت هند فى ابهى طلتها، إنسانة جديدة بشكل رائع وخرافة وفستانها رغم احتشامه كان ضيق سيكا لانها مليانة عن فرح..
أنت تقرأ
طفلتى الحزينة 🦋 لـ فيروز مغازى (كاملة)
Storie d'amoreعاشت حياتها فى انتظار فارس احلامها الوسيم الذى سياخذها على حصانه الابيض ليخلصها من حياتها التعيسة مع ابيها وزوجة ابيها، حتى اتاها من ظنته عوضها لتبدأ معه ماساة ومعاناة اخرى، هل ستعيش طوال حياتها تعيسة، ام سيعوضها الله بمن يستحقها !!
