طفلتى الحزينة 🦋 لـ فيروز مغازى (كاملة)

طفلتى الحزينة (1)

ف أجواء رمضانية جميلة واقفة فى بلكونة اوضتها بعد الفطار بتتأمل المأرة ببسمة حزينة بتتمنى تكون سعيدة زى بعضهم وتعيش حياة طبيعية، فجاة رن ف ودنها أذان العشاء بصوت سكن فؤادها، اول مرة كانت تسمعه لكنه علم فى قلبها بقوة..

تيسير دخلت بهمجية: أنتِ يا زفتة الطين المواعين بتعمل ايه فى المطبخ مش قولت تغسليهم.

نيروز غمضت عيونها بتعب: طب ما تخلى ريناد تساعدنى فى حاجة يا طنط، انا دراعى واجعنى وحيلى اتهد من صباحية ربنا..

تيسير بقسوة: نعااام وريناد تساعدك ليه ان شاءلله، ريناد مكانها مش هنا، ريناد ف ثانوية عامة وهتطلع دكتورة قد الدنيا، وبعدين مانا بقااااالى عشر سنين شايلة همك، باكل وبغسل وبنضف وبلم قرفك، آن الاوان تتحملى مسؤلية نفسك شويه..

نيروز دمعت: طب وانا ذنبى ايه، ان أمى ماتت وانا صغيرة، ذنبى إيه فى  كل حاجه بتحصلى !!!! مش كفاية بابا مش عايز يدخلنى مدرسة.. 

تيسير بملل: مش شغلتى، وشغل الصعبنيات ده مش بياكل معايا، خلصى يلا علشان الوقت..

نيروز: حاضر يا طنط..

خرجت تيسير، ونيروز لعنت حظها اللى وقعها فى واحدة زى تيسير معندهاش قلب ولا رحمة حتى.

مسكت صورة مامتها: ليه سيبتينى يا ماما، انا تعبانة اوى اوى من غيرك، تعبانة ونفسي ربنا يريحنى.

فضلت وقت بتكلم الصورة ودموعها مبطلتش تنزل من كتر الوجع والالم، لحد ما قطعها صوت الباب..

نيروز مسحت دموعها: ادخل!

دخلت جنات صحبتها لقتها حزينة وماسكة صورة مامتها، قعدت جمبها بحزن..

جنات: انتى كنتى معيطة؟؟

نيروز: كالعادة، هو انا عندى ايه اعمله غير انى اعيط، ارتجفت شفايفها بدموع، تعبت يا جنات تعبت اوى..

جنات حضنتها بحزن: اهدى يا نيرو، متعمليش فى نفسك كده والله كل حاجه هتتحل..

نيروز فضلت شويه فى حضنها وجنات بتطبطب عليها بحزن..

جنات: ها هديتى شويه؟؟

نيروز مسحت دموعها: ااه يعنى، انا مش عارفة من غير وجودك جمبى حياتى كانت هتبقي عاملة ايه.

جنات ابتسمت: متقوليش كده يا بايخة انا اختك، المهم قوليلى القرشانة تيسير عملت ايه النهاردة..

نيروز: مفيش جديد نفس تصرفاتها القاسية، بس انا اللى تعبت وانفجرت مرة واحدة..

جنات مسحت على شعرها: طب استهدى بالله..

نيروز تنهدت: الحمدلله على كل حال، انتى عاملة ايه، واخبارك مع حاتم، وحماتك القرشانة؟؟

جنات ضحكت: هههه لو سمعتك هتفشكل الخطوبة، وهى ما بتصدق تمسك غلطة اصلاً..

نيروز ضحكت: والله ربنا يكون فى عونك معاها، شوفتها مرة عندكم تجلط يا بت، كأن ابنها وكيل نيابة..