طفلتى الحزينة 🦋 لـ فيروز مغازى (كاملة)

طفلتى الحزينة (3)

البارت الـتالت.
بقلمى فيروز مغازى ♡.

عمار بوجه متهجم: عشان أنا بكرهك يا نيروز بكرهك.

نيروز مصدومة وبتعيط: طب لما أنت بتكرهنى اتجوزتنى ليه!! عايز منى إيه!!

عمار بجمود: دى حاجة متخصكيش..

نيروز صرخت بدموع: لا يخصنى دى حياتى يا عمار، لو كلامك صح، أنا خلاص اتدمرت، انت كنت اخر قشة أمل بتعلق فيها عشان اعيش..

عمار قبض ع شعرها بجبروت وقسوة:

=  لا يا نيروز، صوتك ده مش هيعلى تانى، فاااهمة لو صوتك اترفع فى وشى هتندمى..

نيروز بدموع: بتقول كده ليه !! بتعمل كده ليه !!

عمار زقها بقسوة: قولتلك دى حاجه متخصكيش.. ومن هنا ورايح، أنتِ مش مراتى، ومش هعتبرك كده أبداً متحلميش بأكتر من الى خدتيه.. بس قصاد كل الناس احنا متجوزين وحبايب..

نيروز وقعت ع الارض بتعيط، مش فاهمة حاجة، بس كل اللى فهمته، انها مش مكتوبلها الفرحة..

عمار بكل برود غير هدوم، ونـام، نـوم عميق كأنه مكسرش الطفلة دى فى لحظات معدودة..

الليل كله، نيروز مكانها بتعيط على حظها، وحياتها التعيسة، بتتحسر على حالها واللى وصلتله.. نامت مكانها من الأرهاق..

عمار صحى من نومه لقاها بفستانها مرمية ع الارض، بصلها شوية وبعدها غير هدومه واخد شاور، من بعدها خرج تانى و خبطها برجله بقسوة وقال بصوت عالى:

- نيررروز قومى..

نيروز انتفضت وبصت حواليها: فى ايه!!

عمار بسخرية: لا بس الصبح طلع والهانم مكانها وبفستانها، قومى اتنيلى غيري فستانك ده عشان نخرج..

نيروز وقفت بضعف: حاضر هغير هدومى، بس مش هخرج مش عايزة أخرج معاك..

عمار قبض ع معصمها بغضب: مش بمزاجك يا روح أمك، هتعملى اللى أقوله وبس..

نيروز دمعت: انت عايز منى ايه!! مش كفاية اللى عملته معايا، مش كفاية كسرتك ليا..

عمار نفخ بغضب: مش ناقص قرف، غورى غيرى هدومك، البسي أشيك فستان عندك..

نيروز مشيت للحمام بطاعة، بتعيط ع حظها الوحش، غيرت فستان زفافها، لفستان سماوى بعد الركبة، كان مخلى شكلها زى القمر رغم بساطتها.. خرجت..

عمار لولهة وقف متصمر قدامها، فاق لما بصتله بعيونها الخضر ببراءة وحزن..

نيروز سابته وقعدت ع السرير تلبس الشوز بتاعها، عمار اتخنق من نفسه، وقرر يعمل حاجة تضايقها.

نيروز وقفت وبصتله: خلصت لبس..

عمار ببرود: روحى حضريلى الحمام..