طفلتى الحزينة 🦋 لـ فيروز مغازى (كاملة)

طفلتى الحزينة (21)

الأول وقبل ما أبدا البارت عاوزة أقولكم حاجة..

ياريت نعذر بعضنا، لان محدش عارف ظروف التانى، انا من ساعة ما ابتديت اكتب وعمرى ما اتاخرت فى تنزيل البارت بالطريقة دى وعارفة ان ده حقكم عليا، لكن الظروف مش على طول هتكون فى صالحى انا انسانة وليا طاقة وليا ظروفى، وعندى مشاكل كتير مع خطيبى واهلى،، ده غير ان حالتى النفسية مش كويسة وبردو باجى على نفسي وبنزل عشانكم..

فمتجيش أنتِ تحكمى وأنتِ متعرفيش فيا ايه، أنا ممكن اقولكم هوقفها فترة وشكلى هعمل كده لكن دايماً برجع افكر فى ناس ملهاش ذنب تتحمل خطأ غيرها وخصوصا ان الرواية فاضل فيها القليل.

(البارت الواحد والعشرون)

عمار شالها بقلق ورعب وجريت خلفه هند ومعاهم سيف، واتجه ل المستشفي بيها وسمر طبعاً عرفت من هند وراحت وراهم، ولأول مرة تحزن عليها.

لما شافت قهرتها على ابنها وهى حاطة ايدها عل بطنها، كانت صرخاتها جايبة اخر المستشفى بجد.

دخلت عمليات وللاسف فقدت الجنين..

عمار قعد تحت الحيطة وحط ايده على وشه ومن حزنه ووجعه على حب عمره وابنه عيط بصمت..

سيف قعد جمبيه بحزن: شد حيلك وكويس انها مجتش فى نيروز، واهى طلعت كويسة.

عمار بيبص لنقطة وهمية بالم: خسرت ضنايا قبل قبل ما اشوفه يا سيف، خسرته، نيروز قالتلى ايوا قالتلى ان ان ربنا هيعاقبنى على كل حاجة وحشة بعملها فى حياتى ومصدقتش، مصدقتش..

سمر بحزن: ده قدر ربنا يا عمار اهدى.

عمار صرخ بجنون: أنتِ تسكتى خالص، أنتِ اساساً عايزة تخلصى منه من الاول، ومش بعيد تكون أنتِ السبب فى وقعتها دى، اكيد أنتِ..

سمر دمعت: أنا عارفة انى اذيتها كتير لكن مستحيل اخسرها ضناها بالساهل كده والله مانا..

نهى: اهدى يا حبيبي مش كده.

عمار بصلها وتجاهل كلامها، وبعد وقت فاقت نيروز والكل دخلها أطمن عليها بما فيهم سمر وسيف اللى كانوا حاسين اوى بالذنب ناحيتها..

نيروز بتعب: ممكن الكل يطلع برة مش عايزة حد، وانت يا عمار فضها معايا عشان انا خلاص تعبت، اللى كان ربطنى بيك ابننا واهو فارقنى ومات..

ثريا بحزن: استهدى بالله يا بنتى.

نيروز: أرجوكِ يا خالتو طلعى نفسك منها أنتِ ليكى غلاوة خاصة فى قلبى ومش عايزة اخسرك.

هند بحزن قعدت جمبها: بس احنا مش هنقدر نتخلى عنك، ولا عمار كمان هيطلقك ويفرط فيكِ.

نهى بضيق: ما تسيبوها براحتها.

عمار بهدوء: ممكن يا جماعة تسيبونا لوحدنا !!!

سمر بحزن: طيب حاضر.