"ကိုကိုက ချစ်စရာလေး"
လက်ထဲတွင်ကိုင်ထားသော ဓာတ်ပုံများကိုကြည့်၍ ပြောနေသော လူတစ်ယောက်။သေချာကြည့်မြင်ဆိုလျှင် ထိုလူသည် သဘောကျစွာပြုံးနေသည်ကိုတွေ့ရမည်ဖြစ်သည်။
"ဟား..ကိုကို ကျိန်ဆဲပုံလေးကို အသည်းယားလွန်းလို့ဘယ်လိုလုပ်ရပါ့မလဲ..ကွာ..ရူးတော့မှာဘဲ"
တစ်ယောက်တည်း ပြောလိုက်၊ရယ်လိုက်နှင့် အလုပ်ရှုပ်နေသော လူသည် အချစ်မှာကျဆုံးနေသည့်ဟန်ပင်။ လက်ထဲရှိ ဓာတ်ပုံကိုကြည့်လိုက်၊ မျက်လုံးတစ်ခါမှိတ်လိုက်လုပ်နေသော ထိုလူသည် တစ်ယောက်တည်းသောသူကိုသာ တမ်းတမြင်ယောင်နေပေသည်။
ထိုစဉ် ဖုန်းလာသောကြောင့် အလျင်အမြန်ပင်ကိုင်လိုက်လေ၏။
"ဟုတ်ကဲ့..နာခံလျက်ပါ..အရှင်"
"........"
"နားလည်ပါပြီ..အရှင်..အခုချက်ချင်းစုံစမ်းလိုက်ပါ့မယ်"
တစ်ဖက်မှဖုန်းချသွားသောအခါတွင် ဖုန်း Screen ပေါ်တွင်ပေါ်လာသော ပုံလေးကိုကြည့်၍ ထိုသူသည် အနည်းငယ်ပြုံးလိုက်ပေ၏။
"မောင် နောက်တစ်ခေါက်ပြန်လာခဲ့ပါအုံးမယ်..ကိုကို"
ထို့နောက် သူသည် အခန်းတံခါးကို ဖြည်းညှင်းစွာပိတ်၍ထွက်သွားလေသည်။ ကျန်ရှိခဲ့သော အခန်းထဲတွင် ဓာတ်ပုံပေါင်းများစွာ ခြံရံလျက်။
________________________________________
"ရောက်ပြီ"
တစ်ဖက်ရှိ တိုတောင်းလာသော အသံကိုကြားသောအခါ ရှေးရှု့ရာရာသည် တိုးညှင်းစွာရယ်လိုက်လေ၏။
"ရောက်ပြီဆို နားအုံးလေ"
"Video call ပြောချင်တယ်"
"မနက်ကတင်တွေ့ထားတာမလား"
"လွမ်းတယ်"
နေ့ချင်းပြန်လာသည်ဆိုသောကြောင့် ပင်ပန်းနေမည်ဖြစ်သော ဟော်နန်းအရှင်ကိုအပြစ်မဆိုရက်။ မနက်ကမှတွေ့သည်ဆိုသော်ငြားလည်း သူလည်းဟော်နန်းအရှင်ကိုလွမ်းပါ၏။
"အဲ့ဆို ငါလှမ်းခေါ်လိုက်မယ်..ခဏစောင့်"
"အင်း"
YOU ARE READING
ချစ်သောမြေဝယ်
Romance"သန္တုဠီစ" "ဟင်..ဘာပြောတာလဲ" "ရှေးရှု့ရာရာ.." "ဟင်.." "ခန္တီတရားကို ခဏလောက်ချိုးဖောက်ခွင့်ပြုပါ.." #ရှမ်းစော်ဘွားတွေနဲ့ပတ်သတ်ပြီးရေးတာဖြစ်ပေမယ့် အခေါ်အဝေါ်တွေ၊အသုံးအနှုန်းတွေနဲ့ပတ်သတ်လို့ ကိုယ့်စိတ်ကူးနဲ့ဖြစ်တာမလို့ အကယ်၍ အကြိုက်မတွေ့ရင်အားနာရပါတယ်ဗ...
