တစ်ဖန်ပျိုးသော အချစ်

{၃}

အချိန်အားဖြင့် တရွေ့ရွေ့ကုန်ဆုံးလာပြီး နှစ်အနည်းငယ်ကြာလာခဲ့ပေမဲ့ မိုင်နှင့် ပျိုး အခြေနေကတော့ တိုးတက်သွားခြင်းမရှိပါ။ ဘာကြောင့်လဲတော့ အရမ်းရှင်းပြဖို့မလိုတော့ဘူးလေ။ ပျိုးနှင့် မိုင် အရမ်းနီးကပ်သွားလျှင် ဦးဖြိုးဝင်းကျော်၏ဖိအားကို ပျိုးခံရတော့မှာလေ။ ထို့ကြောင့် ပုံမှန်တိုင်းလေးပဲ ဆက်သွားခဲ့သည်။ တစ်ခါတစ်ရံ ပျိုးနှင့် မိုင်ပဲ ရှိတော့သည့်အခါမျိုးတွင်တော့ မိုင်ဟာ ပျိုးကို နည်းနည်းကပ်တွယ်တတ်သည်လေ။ ပျိုးဟာတော့ သတိမထားမိလောက်ချေ။

ပျိုးနှင့် မိုင် အခြေနေက အရမ်းတိုးတက်သွားခြင်းမရှိသော်လည်းပြောင်းလဲသွားတာတွေတော့ရှိပါသည်။ ပျိုး စကားနားထောင်သည့်အတွက် အရင်လို ပျိုး အပြစ်ပေးတာတွေမခံရတော့ပါ။ တစ်ခါတစ်ရံတော့ အလည်လွန်တာမျိုးဖြစ်ရင် ခြံရှေ့မှာ ဒူးထောက်လက်မြှောက်ရတာမျိုး ရှိပါသည်။ အလည်လွန်တယ်ဆိုတာ မိုင့်မှာ သူငယ်ချင်းတစ်ယောက်ရနေပြီလေ။ ထို့ကြောင့် မိုင် အိမ်ပြန်ချိန်နောက်ကျသွားတာမျိုးရှိလာခဲ့သည်မဟုတ်လား။

ဘာပဲဖြစ်ဖြစ် မိုင် ဒီဘဝမှာတော့ ပျော်နေမိတာ အမှန်။ မိုင့် အခြေနေမျိုးနှင့် သူငယ်ချင်းရလာမယ်လို့လည်း မိုင် မထင်ခဲ့။ ဒီလိုပြောလို့ ကျောင်းကအုပ်စုက မိုင့်ကို မနှောက်ယှက်တော့တာမဟုတ်ချေ။ အခုချိန်ထိကို ရရင်ရသလို အနိုင်ကျင့်ဗိုလ်ကျနေဆဲပါ။ ကိုယ်ထိလက်ရောက်တော့ အနိုင်မကျင့်တော့ပါလေ။ ဘာကြောင့်လဲဆိုလျှင် မိုင် ပြန်လုပ်တဲ့ အကျိုးကျေးဇူးတွေပေါ့။ မိုင်နဲ့ ရန်ဖြစ်တိုင်း သူတို့ထဲက တစ်ယောက်တော့ အထိနာသည်။ အမြဲလိုလိုလည်း ရုံးခန်းရောက်ကြသည်မို့ မိဘတွေကလည်း မလာချင်တော့ချေ။ မိုင့်ကို ကျောင်းထုတ်ဖို့ဝိုင်းပြောကြပေမဲ့လည်း ဦးဖြိုးဝင်းကျော်နှင့် ဆိုင်သည့်ကျောင်းမို့ မိုင့်ကိုထုတ်မရ။

ထို့ကြောင့် သူတို့သမီးတွေကိုသာ ဆင်ခြေခိုင်းတော့သည်လေ။ အဲ့ကနေ မိုင် အနေစားနည်းနည်းချောင်လာသည်ပေါ့။ ဒါတောင် မိုင် သတိလက်လွတ်ဖြစ်သွားချိန် ခြေထိုးခံတာမျိုးလုပ်တတ်သေးသည်။ မိုင့် အားကစားအဝတ်စားတွေ ကပ်ကြေးနဲ့ညှပ်ပစ်တာမျိုးလည်းရှိသည်။ အရင်ကလောက် အသားနာကျင်အနိုင်မကျင့်တော့ပေမဲ့ သူတို့ရဲ့ကစားစရာလေး မိုင်ဟာ အခုထိ သူတို့လက်ထဲကနေ ပြေးလွတ်နေတာတော့မဟုတ်ချေ။ ထိုထဲကမှ လဝန်းသံစဉ်နှင့် မိုင်တွေ့ခဲ့တာ။ လူအများကြီးထဲကမှ လူကောင်းလေးတစ်ယောက်ပေါ့။ မိုင်နှင့် အတူရင်ဆိုင်ပြီး ပြန်လိုက်လုပ်ပေးတဲ့သူ။ မိုင့်ရဲ့ အကောင်းဆုံး၊ အချစ်ဆုံး သူငယ်ချင်းလေးဖြစ်လာသည့်သူ။ ရှိန်းနဲ့ မတွေ့ခင်ထိ မိုင် ဘယ်သူငယ်ချင်းမှ ရလိမ့်မည်မထင်ထားခဲ့ဖူးပါ။