ISANG DAANG TULA; Na Hindi Mo Nabasa

Kasundo

At sa muling pagtatalo ng aking isip at ng puso

Hindi pa rin sigurado kung kanino dapat sumunod

Saan nga ba dapat pumunta ang nasabing punto

Dapat nga bang dinggin ang pagnanais bumukod

Kailan kaya tayo magtatagpo sa gitna?

Kailan kaya tayo, kung sakali, maging isa?

Kailan kaya mahahatid ng damdamin mo ang mga ninanais ko?

Kailan kaya mababatid na hangarin ko ay simpleng tulad mo?

Hindi na magkasundo, walang natitirang kakampi

Hindi alam kung kanino ba dapat ako tatabi

Magkasalungat na ata ang lahat, sana nga'y may tyansang matuwid

At kung sakaling hindi, mahirap nang umasa, malabong matawid