واقفه بعمل اندومي بالليل والبيت كله نايم وبدعي ربنا محدش يصحى وبحاول أخلص بسرعة، وبحرك كل حاجة بالراحة علشان محدش يصحى على الصوت وإذ فجأة ألاقي اخويا واقف ورايا وبصوته اللي شبه صوت الضفادع بيقولي:
_اعملي لي أكل معاكي علشان جعان
وقبل ما ارد راح سابني ودخل الحمام انا طبعا دمي نشف من الخضة وكنت هقع في حلة الأندومي اللي ورايا على النار روحت قولتله يخربيت بطنك اللي هتوقف قلبي في مرة
المهم انا طلعت من المطبخ بعد ما خلصت معدية على الحمام ووقفت قدام الباب بقوله وأنا ماسكة الأكل في ايدي:
_ انا داخله هحط لك الأكل في اوضتك
_ رد قال لي ماشي.
دخلت اوضته ولعت النور علشان احط له الأكل لاقيته نايم على السرير طبعا انا مستنتش تفسير وطلعت اجري على الحمام اقول له الحق فيه عفريت شبهك نايم فى اوضتك وكان نور الحمام مفتوح فعلا والباب مفتوح بس مفيش حد جوا رجعت تاني لأوضته وانا بتنفض وصوتي مش طالع بس وقفت قبل ما ادخل بصدمة وانا بفتكر أن اخويا لسه منزلش اجازة من الجيش.
#آمنة_محمد_ابوالخير
أنت تقرأ
كبسولة رعب.
Terrorالعالم أكبر من انت تراه بعينيك وأبشع من أن تنجوا منه قصص قصيرة مرعبة ومخيفة تفتح عينيك على أفاق جديدة مرعبة... أطفأ مصباح غرفتك وأقرأ.
