في صباح يوم مشرق جميل كجمال الديره واهلها نبدا صباحنا من بيت سعد ال رماح، ابو ناصر
كان الجد مسوي عزيمه كأي عزيمه يسويها دائما لكثرة حلاله اللي من اشهر حلال الديره وكبر تجارته سوا كان في الديره او المدينه وعازم فيها عياله واحفاده ولازم الكل يجي اللي من المدينه يجون واللي من الديره المهم الكل يجي عشان الجد ابو ناصر لايعصب عليهم ويمسكها عليهم سنه
ابو ناصر يتصل: لا اوصيك تجيب عيالك كلهم... كلهم بيجون... تمام مناسب تلحقون ع وقت الغداء.... ههه يله فمأن الله
ابو ناصر يكلم العامل: ناجيي الذبايح جاهزه!
ناجي: يس بابا كلو تمام
ابو ناصر: يله تمام وكمل شغلك اللي قلت لك عليه
ناجي: أن شاءلله
صوت صراخ وهوشه وفوضى
: اقول وخرر عني يدووب ترااك ثقييل حتى الباب ماوسعك
: ماوسعني لانك حاشرةً نفسك فيه وانا حالف بأني انا من يدخل اول
ابو ناصر بغضب: مشععععلل الووورد
مشعل والورد اصطفو امامه مثل العسكر
مشعل: امرك جدي
الورد: اسفين جدي
مشعل: بس لو تبي الحقيقه جدي الورد صايره متينه حتى من الباب ماتدخل
الورد التفتت عليه بشهقه وصدمه: ياحيوواان اول شي قل ماشاء الله ثاني شي من الرجال انا ولا انت
مشعل: وثالث ليش مظلوم دائما محد يلقئ له حل
الورد: ههه ثالث شي اكله سعد
سعد: انا وش دخلني
ابو ناصر بصراخ: اسكتووو كذا تتهاوشون قدامي ولا كأني بموجود
مشعل والورد وسعد تقدمو بسرعه يبوسون راس جدهم
مشعل: لك الحشيمه يجد والله انك غالي وقدرك رفيع
دخلة ام الورد: السلام عليكم
الكل: وعليكم السلام
باسةة راس ابو ناصر: شلونك يعم عساك طيب شلون صحتك
ابو ناصر: الحمدلله بخير يبنيتي مغير ذولا الواحد اطول مني ويتهاوشون ع الباب الحمدلله والشكر
ام الورد: هههههه
سعد بصوت مايسمعه الا الورد ومشعل: الحمدلله اني مش الباب
مشعل ضربه بشويش ع راسه باصبعه الوسطاء: يله ياجماعه خاطركم انا بروح لعند اخوياي تراني عزمتهم ياجد بعد اذنك
ابو ناصر: مناف وحسين
مشعل: اييه
ابو ناصر: حياهم الله
ابتسم مشعل وطلع
من ناحيه ثانيه عند مناف وحسين
حسين بملل: الحين متى يجي الغدا
مناف بصدمه: ابوك يالفيل توك مفطر الحين وتبي الغدا يجي الحين الساعه ١٠:٣٠ مهبول ولا في بطنك دود تاكل معك
مشعل جاي لهم: من هو الدوده!؟
حسين مسوي فيها بريء ويمسح ع بطنه: مناف يقول حسب دراسته البطنيه ان في بطني دود ياكل الاكل اللي اكله عشان كذا اجوع دايم،وابتسم بسمه عريضه
مشعل بقرف:اقول وخر عني انت كلك ع بعضك دوده تاكل الاخضر واليابس انا مستغرب كيف ماتسمن
حسين: اقول ماعليك مني يالحقود، وبنظره خبيثه: شرايك نروح لحلال جدك نلاعبهم شوي
مشعل وهو يمسك دقنه يفكر: والله فكره لين صلاة الظهر ولا شرايك مناف،، مناف كان سرحان ولا هو بحولهم
حسين: مناااف هيييه منااااااف
مناف: وجع اذني شتبي
مشعل بحنيه: شفيك متضايق وانا اخوك
تنهد مناف: والله بالي مع الكادي الحين خالتي تستغل غيابي وتكرفها في المطبخ او البيت حتى لو ودها تنظف الشارع ع الاقل لما اكون جمبها تخاف مني والكادي تحس بالامان، انا بتغدا ع طول برجع البيت والله اني جيت عشانك يمشعل
حط مشعل يده ع كتف مناف: لا ينشغل بالك وانا اخوك الكادي قويه وبعدين ابوك ماهو موجود!
مناف تنهد: الا موجود بس تعرفه مايجلس كثير بالبيت اخاف تختلي بها
حسين وهو يتنهد بحالميه ويسوي يدينه ورا راسه ويرتكي ع الموتر: ياااااليتي الكادي
مناف ضربه ع راسه لين توجع حسين بألم: بسم الله عليها
مشعل ضحك ليين تقوصةة عيونه الحاده وضحكته اللي مليانه حيااه ملةة المكان، التفت له مناف بابتسامه مشعل: لا يضيق مناف وانا اخوه
مناف بابتسامه: ماضرني ضيق الارض وضحكاتك سعهه
حسين بازعاج: ياهوو ولد انت وياه معكم حسين ابن عبدالرحمن موجود ولا هو بموجود
مشعل ومناف: ههههههههههه
مناف بضحكه: والحسنُ بكَ يا بهاء الحسنَ فاق الأغنيات
حسين ضحك بقوه: الله يهديك دائما تفهمني صح
طون طووون طون) صوت بوري الموتر(:
مشعل: يلاا يشباب فيصل اخوي وصل الحين جدي معصب قد هي وقت صلاه خذانا الوقت ولا درينا،
شمرو بثيابهم وصارو يركضون عشان مايعصب عليهم الجد ابو ناصر
ملاحظه:
القصائد منقوله،
لا تحرموني تعليقاتكم ورائيكم في بداية الروايه ومرو على النجمه لطفاً(:
أنت تقرأ
كل ما حنّ لـ الشوق غنأ بصوت عاشق
Romanceروايه بدويه فيها من الحب والمشاعر الكثير تاخذكم لعالم بعيد بعييد جداً حيث الحُب موجود والصداقه الحقيقية ابحرو فيها بـ احاسيسكم مثل ما ابحرت فيها اقرأوها بكل حب يا عاشقين الحياة الشليه ❤
