بعدها طلعو شيوخ القبايل واهل محمد الغاضبين واهل ابو ناصر وعياله واحفاده
في بيت سعود ابو فيصل بعد مااشرقت الشمس بعد ماصحي الكل
كان الكل مجتمع في المجلس
مشعل بغضب الدنيا لانه امس مالحق يعاتبهم لان جده اترفع عنده الضغط ونام بدري: ليييش ياجدد لييش وش الخططه الغبيه هاذي اللي تبي تقهرهم فيها
الجد كان ساكت ويناظر بهدوء
ابو مشعل شبهه غاضب: مششعل خلاص هدي احسس راسي بينفجر
نايف قرر يوقف مع مشعل: اعرف ياجد ان خططك مابتنجح لو قعدت على قرار يقطعون رجله احسن وبعدين مافكرت في مشعل ولا همك تبردك كبدك بس
ابو سعود بصرامه: نااايف اطلع برا المجلسس بسررعه
نايف وقف بغضب من تسلط جده عليهم دائما وطلع برا البيت بكبره
مشعل بغضب: لا ي عم تراا كلام نايف صح ترا انا اللي بتزووج انا فهمتووو يعني انا اللي بعاني وحده لا اعرفها ولا اصرفها لا وفوق هاذا بتكون هي تكرهني وانا اكرهها بسببكم انتو وقراراتكم البايخه
واخيرا وقف ابو ناصر وضرب بعصاته الارض: هي بس فترره محدوده وبتطلق وابشر بموتر وبيت وزوجه احسن منها بالف مره هااه شتبي بعد
مشعل مسكك راسه بغباء من تفكيررهم وده يقطع شعره بسببهم طلع بغضب لان الحكي معهم لا يودي ولا يجيب، طلع بعده سعود يدور عليه
مشعل كان يمشي بديره بتشتت
: مشششعل
التفت مشعل لصاحب الصوت ثم ابتسم لهاذا الرجال المرح اللي ابدا ماحسسهم بيوم من الايام انه اكبر منهم كان يعتبرهم من ربعه
مشعل بابتسامة وهو يسلم عليه: ارحببببب يابو عليا وينك غايب بيت الشعر من دون حسك ولا شي
ابو عليا بضحكه: والله اشغال يابوك لكن تبشر اليوم وانا عندكم والله مايجيبني الا صوتك هالله هالله نبي من ذيك المواويل
ضحك مشعل بقوه وحب لهاذا الرجال: تبشر بكل مايطرب مسامعك
ابو عليا: يلا الحين خاطرك اكمل اشغالي الوعد اليله هااه
مشعل وهو ياشر على خشمه: ان شاءلله
راح ابو عليا وضل مشعل واقف مكانه فجأه تذكر نايف اللي طلع زعلان راااح يدوره في سوق الديره وهو يمشي سمع صوت ضحكك وسوالف من محل جد حسين اللي كان يبيع فيه كل انواع البذور الصالحه للاكل وغير الصالحه للاكل مثل بذور الورد والاشجار والبُن والسمسم والحب وغيرها من البذور والحبوب تقدم شوي واتضح له صوت نايف وحسين تقدم وهو يسمع نايف يقول بحماس: انا قلتت لجدي لاااا مستحيييل ياجد يصير هاذا الكلام وراسي يشم الهواء خاااف جدي وكان بيتراجع بس لما شافني معصب قال خلاص خلاص كلام نايف اللي بيمشي
حسين اللي كان طايح على الارض من الضحك وهو ماسك بطنه بيده: حسبي الله عليك كيف كيف كان وجهك لما كنت معصب
نايف بحماس والضحكه شاقه الحلق: كان كذا" يسوي نفسه معصب ويرفع اكتافه على أساس عضلات
اما مشعل اللي كان مصددوم وعيونه مفتوحه على الاخر دخل عليهم وهو يقول: ابككك يالكذاب
التفتو عليه ونايف اول ماشافه صار يحك راسه من ورا
حسين وهو ميت ضحك: تكفى ي مشعل لا تحطمه خليه يتكلم عن انجازاته تكفى
مشعل جا وقعد على الكرسي اللي موجود بالمحل: لا لا ماني بمحطمه خله يتكلم، ايوا استاذ نايف بعدين وش صار!
نايف بفشله وهو يحك راسه من ورا: بعدين طردني جدي
هنا حسين حالته تقول انقذو حسين لا تنفجر بطنه
مشعل: ههههههههههه يازين الاعتراف بالحق
...........
في بيت مناف
ابو مناف وهو يشرب شاهي بعد مافطر: البضاعه وصلت للمحل
مناف خلص فطوره: اييه يبه وصلت، الحمدلله الذي اطعمني هاذا وارزقني من غير حول مني ولا قوه
ابومناف بصوت عالي: يامره تعالي للصحون
جات زوجته تاخذ الصحون والكادي تساعدها: بالعافيه عليكم والله اني صحيت بدري عشان يطلع المطلوب
مناف وهو يناظر الكادي تنحني تاخذ الصحون: تسلم يدينك على الفطور
الكادي وهي تكتم ضحكتها ع وجهه خالتها المتفشل " مناف يناظر خالته وكانه يقول لها بعيونه ان خبز الكادي يقدر يميزه عن الف خبز " قام مناف: يبه تبي شي
ابومناف: سلامتك
مناف ناظر للكادي بحنيه: الكادي اجيب لك شي معي
الكادي بخجل: لا ماابي شي سلامتك
ابتسم لها وطلع وهو يردد:
نظرة عيونك تأخذ القلب بسكات
ورموش عينك بالهوى صوبتنى
وبسمة شفاتك تسحر الروح والذات
وأنتي الهوى محد غيرك فتني
كان يمشي ولابس فوق ثوبه الابيض جاكيت بني ومدخل يدينه في جيبه ويناظر الارض مبتسم
: مااشوف احد في الارض تبتسم له
رفع مناف راسه بصدمه من صاحب الصوت الطفولي شاف قدامه بزر عمره تقريباً ست سنوات كان لابس ثوب وجمبيه ولاف راسه بشماغ صغيير كان شكله صغيره مره لكن وجهه قوي كأنه مسوي نفسه رجال
ضحك مناف بقووه على شكله اللي طالع يهببل: اببكك يالبزر من ولده انت وشسمك
الولد ناظره بنظرات: لا تقول بزر وثانيا اسمي ذيب بن شامخ
مناف ضحك عليه وهو وده ياكله: اويلي ويلااه حتى اسمه فخم، وش تبي في السوق ارجع بيتكم اخاف تضيع
ذيب مااهتم له وراح وهو يمشي يعني انه زعلان من هاذا اللي يضيع وقته
مناف بصوت عالي: ولددد هيييه ع الاقل انتظر اوديك انا وين ماتبي
ذيب وقف وقال: ودني لمشعل وسعود ونايف تعرفهم
مناف وهو يسوي يده تحت ذقنه: هاااه الحين انت تقرب لهم خلاص امشي اوديك معي
أنت تقرأ
كل ما حنّ لـ الشوق غنأ بصوت عاشق
Romanceروايه بدويه فيها من الحب والمشاعر الكثير تاخذكم لعالم بعيد بعييد جداً حيث الحُب موجود والصداقه الحقيقية ابحرو فيها بـ احاسيسكم مثل ما ابحرت فيها اقرأوها بكل حب يا عاشقين الحياة الشليه ❤
