بعد مرور عشرين يوم واكثر عند مشعل اللي كان في دكانه ينظف ويرتب لعله ينسئ شوي من همومه التفت على صوت حسين: صباح الخير..
مشعل: صباح النور والسرور...
قعد حسين على احد الكراسي بتعب، مشعل: انهكت نفسك واجد يارجال شوي شوي على نفسك...
حسين بغموض: والله مافي الا هذي التعب ينسينا...
مشعل: يجيك احلا شاهي، بصوت عالي: محمود كاسين شاهي لا هنت..
محمود: واصل واصل..
جاب محمود الشاهي اخذه مشعل منه ودخل عند حسين وهو يمد الشاهي له قعد على الكرسي مقابل حسين، نطق حسين وهو يناظر مشعل بتمعن: مشعل يخوي خفف على نفسك شوي شوف نفسك ناااحل اشكك أحياناً انها تمر ايام مايذوقك طعم العيش...
ابتسم مشعل على جنب: وش اسوي يحسين بالله عليك اللي في سواتي وش يسوي اعترف لك ان القمه يالله تمر حلقي غصباً علي والله والتفكير ما اقدر اوقف مخي دقيقه وانا ادور الف حل وحل وش اللي بعد ما سويته قلي...
حسين كسر خاطره وهو يشوفه بهذا العجز وهو اكثر شخص يحس فيه: شوف للجانب المشرق يا مشعل انها بعد زوجتك وعلى ذمتك وتحبك هذا يكفي انك تحاول عشانها وعشانك لان لك الحق تحاول لانها زوجتك وقدامك ان شاءلله الف حل وحل لا تستسلم انا فدااك....
ابتسم مشعل: تهقى يا حسين بعد خمس سنوات ان ربي عطانا عمر باذن الله تهقى تزين كذا وكل واحد تزوج باللي سكن قلبه وبزارينا حولينا ونضحك على هذي الايام ونقول الله يوم كنا وكنا والان الحمدلله تهقى تجي هذي الايام؟...
عوره قلبه حسين لانه مستحيل يعيش هذي اللحظه حاول يبتسم: بتزين وانا اخوك بتزين...
رن جوال مشعل وحسين نزل كاسة الشاهي وهو ياشر لمشعل انه بيطلع،،مشعل: الله معك، راح حسين وهو مشعل ناظر جواله يشوف من المتصل ابتسم اول ما شاف اسم سعود رد عليه: اررحب يا ولد عمي...
سعود: البقئ شلوننك...
مشعل: الحمدلله شلونكم انتو..
سعود: الحمدلله بخير جايك بعرض مغري..
مشعل: يالله سترك عطنا العلم..
سعود: هههههه يارجال وراك صاير شكاك...
مشعل: ههههههه ياخوي عطنا العلم عشان اقول لك اذا يستاهل الشك...
سعود: احم اسمع تعرف علي المنصوري خوينا القدييم..
مشعل: ايبه قلت معد لقيته من مبطي..
سعود: اسمعي وفكر زين البارحه منتصل بي ويقول عازمك انت ومشعل حفل ابوه خذا الاول في مسابقة الهجل لهذي السنه ويقول مسوين عشاء وحفله طربيه واصر واصر اننا نجي عاد انا ما ابا ارده يعني تروح انت عني انا والله ما اقدر اجي عندي شغل لين خشمي...
مشعل: لحظه لحظه الحين علي المنصوري عايش بديرة شوق نسيت ولا لا..
سعود: يارجال انا ليه مصر عليك انك تروح قلي ليهه...
مشعل بطولةبال: لييه...
سعود: الحيين لما بشوفونك اهل الديره ويشوفون اخلاقك وتعاملك بيمدحونك عند اهلها ويقولون حررام واحد مثل هذا تردونه وتتعبونه معكم ومن ناحيه اخرى يشوفون ان شلون انت صامل كذا يعني تثبت لهم كثر ايش تحبها فهمتني يالدلخ...
مشعل بصدمه: والله ما دلخ الا انت واشكالك وش هذا الافكار حنا عايشين بفلم ولا ويش...
سعود: هههههههههههههههه والله انك درج انت مو تحبها...
مشعل: اعشقها...
سعود: طييب لبي دعوة خوينا وروح رز وجهك قدامهم سوي اي شي المهم لا تفوت اي فرصه...
مشعل والفكره دخلت براسه من اول بس كان يكابر: طيب متى الموعد بشوف اذا غيرت رأيي...
سعود: علي الحرام ان الفكرة جازت لك مسوي عاشق ثقيل.
انفجر مشعل يضحك لما عرف ان سعود قافطه ضحك سعود معه: الموعد الليله روح ولا تفوت الفرصه اسمع ولد عمك...
مشعل ببسمه: طيب طيب...
.......................
عند حسين اللي كان راجع لبيتهم دخل وهو تعبااان دخل الصاله وكان قدامه جدته وجده اللي كانت الفرحه واضحه على وجههم ابتسم لفرحهم قال بمرح: افااا تفرحون بدوني شاركوني فرحتكم...
ابو عبدالرحمن بفرح: والله ان ما يفرحنا غيرك وكثرك..
حسين باستغراب: هههههه انا وش سويت...
ام عبدالرحمن بفرح: جدك عطا المهر كله والملكه باذن الله الاسبوع الجاي...
انسعق حسين تمجمدت اطرافه وهو يحاول يستوعب ويش قالت جدته قال بصوت يادوب طلع: وويش..
جدته لحظت عليه: حسين وراك يا امي مافرحت!.
حسين اللي استوعب ان هذا اليوم لابد منه حاول يجمع شتاته ويقوف ابتسم بالقوه: الا الا فرحت شلون ما افرح الله يطول بعمرك يا يبه انا بروح ارتاح لحد يصحيني الغداء...
ام عبدالرحمن و ابو عبدالرحمن بفرحه: الله معك...
دخل غرفته بعجله قفل عليه الباب وهو يرتكي عليه ويتنفس بقوه: انا ويش سويت ذبحت روحي بيدي...
تقدم لانحا الغرفه بعصبيه وهو يرمي اي شي تحط يده عليه قعد على الفراش وهو حاط راسه بين يدينه و يتنفس بقوه همس بقلة حيله: هذا اليوم لابد منه،صاح بصوت مكتوم: انتهيت يا حسين انتهيت وانهيتها معاك...
أنت تقرأ
كل ما حنّ لـ الشوق غنأ بصوت عاشق
Romanceروايه بدويه فيها من الحب والمشاعر الكثير تاخذكم لعالم بعيد بعييد جداً حيث الحُب موجود والصداقه الحقيقية ابحرو فيها بـ احاسيسكم مثل ما ابحرت فيها اقرأوها بكل حب يا عاشقين الحياة الشليه ❤
