في مكان ثاني وديره ثانيه ببيت ال مهيان
نهى زوجة محمد: تعالو الغداء صار جاهز
ام محمد: شوق وين ابوك اخوك ماجو من الصلاه للحين
شوق: بلا يمه توهم داخلين شفتهم بالحوش مع عمي ابوصالح
ع نهاية كلامها دخلو ابو محمد ومحمد ابنه: السلام عليكم
الكل: وعليكم السلام
ام محمد: يلا تعالو الغداء جاهز سموو بالله
الكل: بسم الله
محمد: سلمة يدينها من سوت الغداء
شوق ابتسمت: انا سويته
ابتسم محمد لاخته الوحيده اللي يحبها ويحب يمدحها بكل شي سواء كان الشي حلو ولا مو حلو: ماشاء الله عليك ياشوق كل مالك تكبرين تكفين وقفي مانبي نزوجك ونشتاق
ام محمد: بسم الله ع بنتي وشهي له وقفي لا تكبرين لا ان شاءلله ازفها مثل مازفيتك وفرحة بعيالك وافرح بعيالها قبل مااموت
محمد وشوق بسرعه: بسم الله عليك يمه الله يطول بعمرك ولا يحرمنا وجودك
نهى: بسم الله عليك ياخاله وشهو له هاالكلام
ابو محمد: الله يهديك يام محمد ان شاءلله نفرح فيهم انا وانتي ونشوف عيالهم وعيال عيالهم بعد
ام محمد ابتسمت: ههه اللهم آمين
قام محمد باس راس امه وابوه: الحمدلله الذي اطعمنا هاذا وارزقنا من غير حولً مني ولا قوه، يلاا يالغوالي تأمرون ع شي رايح معي كم شغله
ابوه وامه: لا سلامتك ياولدي
طلع محمد ونهى وشوق ينظفون مكان ماتغدو وراحو للمطبخ يكملون باقي التنظيف
العصر ٤:٠٠
شوق: يمه تراني رايحه عند هديل بنت عمي تأمرين ع شي،
ام محمد في يدها كاس شاي بنعناع وتقلب في الاشرطه تبع الراديو: لا يمه سلامتك
في بيت راضي ابو صالح عم شوق
كانت هديل جالسه تنتظر لشوق اللي موعدتها بانها تجيها
ام هديل: هددييل
هديل جات لعند امها: سمي يمه
ام هديل: الباب يدق شوفي من عليه
هديل بفرحه: اكيد شوق
راحت ركضض للباب فهاذي شوق مو بس بنت عمها كانت اختها واكثر لو تطلبها المستحييل لبت طلبها،
هديل من ورا الباب باستفهام: شووق؟!
شوق بضحكه: اييه شوق افتحي يحمامتي
، كانت شوق تحب تنادي هديل حمامتي لمعنئ اسمها هديل الحمام وهديل فعلاً كانت مثل الحمامه مرة ولا ضرة ودائما ماتشعر شوق بوجودها بالسلام،
فتحت هديل الباب وهي تضحك وفاتحه يدينها وتضمها: ليتك تعرفين الشوق في غيبتك كيف!
شوق: هههههه الله اكبر ي حمامتي هاذا وانا بس امس ماجيتك شلون لو تزوجت في ديرةً ثانيه
هديل بشهقه: الله لايقوله عساك تعرسين حتى ع تركي ابن العم بداح ولا تروحين ديرةً ثانيه
شوق بصدمه: والله لو يموت الشايب المنتف
هديل ضحكة بقوه ع الوصف لانه فعلاً شايب منتف وهو للحين بدون زواج
..........
في مكان ثاني وديرةً ثانيه
في عزبة الجد ابو ناصر، كانو الشباب مجتمعين كلهم عند حلال الجد بعد ماتغدو وقامو بالواجب عند ضيوف جده
نايف وهو يسوي يدينه ورا ظهره: اخخخخ ظهرري، والله ان جدي مايعزمنا حباً فينا يعزمنا بس عشان نكرف على ضيوفه
سعود: اقول ورا ماتستخدم فمك للاستغفار فقط عشانك والله اقلقتنا انت وشكاويك اللي بس لو تجيب لي مويه تجلس سنه تشكي
نايف بنظرات: مابه الا انا اجيب لك مويه
فيصل بضحكه: هههههه اخخ نفسي اشوفكم يوم منتفقين احس بسوي حفله اعزم اهل الديره كلهم
حسين بفرحه: بتسوي عشاء!
مناف وهو يضرب حسين بشويش: وانت ماتفكر الا بكرشتك
مشعل وهو يضحك: اتحداك ياحسين تحلب هاذيك الناقه والله اني لجيب لك عشاء لا صار ولا استوئ لمدة اسبوع
حسين بفرحه: وينها!
مشعل وهو ماسك ضحكته بالقوه وياشر باصبعه ع الناقه اللي كان معها ولدها الصغير والناقه ماتخلي احد يقرب منه وحسين مايدري، نط حسين قبل حتى مايكمل مشعل كلامه اهمشي عنده العشاء
فيصل بشهقه: حسسسسين يالغبي الناقه ماتقبل احدد ارجععععع،لكن حسين مايسمعه كان يركض وشاق الحلق،فيصل ناظر مشعل بعتب مشعل يسوي له حركات باكتافه ويدينه بانه عادي مابتأذيه
سعود بضحكه: تكفى فيصل خل نضحك والله من زمان ماضحكت
نايف: لا تكفى خف علينا يااسير الاحزان
مناف ضرب يده ع راسه بتحسف ع حسين اللي يكبر ويزيد خبال: يالله بعقلً ثابت
مشعل بضحكه وهو يرفع يدينه: آمييين يارب العالمين
فيصل بعصبية وهو مايحب هاذا المزح الثقيل بنسبه له: مشششعل قوم ورا صاحبك لا يصير له شي والله ان يذبحك جدي ويذبحك ابوي بعده
نايف بفهاوه وغبى: ليش عاده عمي سعود بيذبحه بعد جدي ماهو بيكون ميت على يد جدي
مناف رجع يضرب يده ع راسه وهو يهززه يمين شمال بمعنئ ان مافي فايده منهم
قام مشعل وهو ينفض ثوبه: خلاص هد هد شوي انا الحين باروح اشوفه
راح مشعل عند حسين علام الرجال اختفى،: حسسسسين حسيينووه، مشعل خاف الناقه سوت له شي ومات تقدم لمكان الناقه لقئ الناقه ع الارض رجيلها ويدينها مربطه وولدها جمبها وهو قاعد يحلب الحليب يمين وشمال والدست اللي معه مافيه الا قطرتين حليب وكان مشتط ومحتط ومعقد حواجبه ومركز على يده انفجر مشعل ضحك لدرجه انه طااح ع الارض وهو ماسك بطنه، التفت له حسين وهو يحك راسه ومبتسم ابتسامه غبيه
مشعل بعد ماهدي شوي وهو مكانه ع الارض ويده ع بطنه: يالغبي حسبنا الناقه قضت عليك انت اصلا كيف ربطتها
حسين بابتسامه عريضه وهو يناظره شماله، مشعل ناظر وين مايناظر حسين شاف خمسه من العمال واقفين يناظرون من بعيد تكلم واحد منهم
ناجي العامل: هاذا نفر يقول بابا ابو ناصر يبغئ حليب واحنا يربط ناقه ولا يقول لبابا وانا يحلب حليب وهو مايعرف سوا كلو على الارض
حسين بصدمه: لا لا تعال اضربني بعد كبيت العفش كله وانا ناوي اخبي كم فضيحه ابوووك يالهندي الثرثار
مشعل وهو ميت ضحك ويدف حسين عشان يطلعون: أمشي امشي الله يصلحك لا يذبحنا جدي وبصوت كبير: ناجي فك فك الرباط عنها ولا تقول لجدي والله ان درا ليتعشانا اسبوعين
ناجي العامل وهو يهز راسه: ان شاءلله
عند الشباب لما شافو مشعل وحسين جايين ارتاحو لانه ماصاب حسين شي بس انفجرو ضحك ع شكل حسين اليائس والدست معه في يده فيه قطرتين حليب جا مشعل وكمل الباقي وهو يوصف لهم شكل حسين ولما ربط الناقه
نايف: هههههههههه عزتي لناقه
فيصل: ههههههه الله يهديكم، يلاا شباب انا رايح تامرون ع شي من السوق
مشعل: ليش رايح توك جاي من المدينه
فيصل: والله عمتي حصه تبغى كم غرض للبيت وبرضو ام سعود ناص لسعود حليب عشان لما اروح معد اوقف في الطريق وامشي ع طول
سعود: اخاويك؟!
فيصل: لا لا مافي داعي برجع بدري ان شاءلله قبل المغرب وانا هنا
الكل: الله معك
:: شفت البارت الاول قصير وقلت انزل الثاني توقعاتكم (:
أنت تقرأ
كل ما حنّ لـ الشوق غنأ بصوت عاشق
Romanceروايه بدويه فيها من الحب والمشاعر الكثير تاخذكم لعالم بعيد بعييد جداً حيث الحُب موجود والصداقه الحقيقية ابحرو فيها بـ احاسيسكم مثل ما ابحرت فيها اقرأوها بكل حب يا عاشقين الحياة الشليه ❤
