كل ما يتذكر كيف مطت يديها وبرز ما برز من جسدها الفاتن الغض الممتليء
كان يحقد عليها وعلى نفسه التي سمحت له بتأملها ..
هي ومستكتها ..التافهه
وكيف نطقت تؤ بدلع وغطرسة
كيف يمكن كسر خشمها تلك اللعينه الصغيره
انتبه لصوت شقيقته
مجدي : كنه راقيلك
نهى : المصوره اعتذرت وقاعده نشوف في غيرها
مجدي : بس مازال اسبوعين توا تلقي
نهى : ما هو مش من كثرتهن يا مجدي
حتكون زحمه ..
مجدي يربت على خدها : ان شاء الله نجيبوها لك من غادي غير ما تزعليش روحك
نهى ابتسمت : حاضر ..
..
في الصاله
فالمطبخ
مهجه : وليش عزيز علي تخللالا
مها : خلل عظامك صوتك نشاز اسكتي نسعمو
ردت تغني : يخليني ف الصبح نهيم
ويا ليل يا ليل ..
..
كملن شغلهن ويرجن الحافله والدنيا شايله ف الصاله
كانت تدهن يديها بعد ما صلت العشاء..
سمعت اصوات طلعت
واحد يحكي : وبعدين في البلوه هذه
مهجه وراها : شنو
مها : مندري ..
البنت ( عارفني نحبك ونموت عليك يا خاين
تي عذبي الشيطان يا همي وطيري من هنا
كان خايف حد يشوفها ويخرب ليلة العرس
انهارت تبكي وتضربه نحبك نحبك
مهجه : طيح سعد العار يا انتي
مها : ووووه جو اتراك ..
لف وشافهن وهن طارن
: لحظه لحظه يا بنات
خشن للمطبخ
انتن كنتن فالفرح؟؟
مهجه : لا فالمطبخ
: باهي خلنها معاكن لعند يخش العريس
بدل ما تدير لنا فضيحه
طلعن ومسكنها..وهي تقاوم خلني نخش معاه حبيبي هذا
مهجه ردت بغضب : توا في راجل يستاهل تذلي روحك عشانه ؟؟
مها : اكيد مافش اللي يبيعك فوتيه عديه ما صار بكل الحب اللي هكي عار
العريس شرع عيونه وهو صديقه وهن يسندن فيها ويشيلنها معاهن ..
صديقه : هيا يا عريس لكن عقله كان هناك مع الجرأة والقوة الى ان سمع صوت الزغاريد وعاد يتذكر ليلة عرسه ..
..
بعد اسبوعين..
نهى : الوووو ايوه شن صار؟
/اليوم تبي تجي..شكرا بارك الله فيك
/شن اسمها
تمام
..
مجدي : ها شن صار
نهى : قالت توا تجي غير عندها دوام فالصبح
مجدي : مش مشكله
كان يراقب العقود والزينه ويشعر بالغربه
دلوعتهم تتزوج شيء عجيب ..
علي (الشقيق الاصغر ) : كيف حالك يا دكتور
مجدي : تمام
علي : اجازة؟
مجدي : لا توا ماشي ..شن بنحط لها حنه او نبخرلها
علي : يابرودك والمزز اللي توا يجن يفوتك مهرجان السماحه
مجدي : خليته لك ..
،،،
دخل المستشفى بهيبته في اسبوعين الكل قعد يخاف منه والممرضات حاقدات عليه وهو المطلوب
شافها له فترة عليها من يوم ال تؤ المستفزة
كانت تجر كرسي متحرك عليه شاب لطيف
توقف امامهم ..
كان البالطو على يده
معتز : من هذا يا دلال
دلال قالت بلا نيه : مديرنا
معتز يصافحه : اهلا يا دكتور
مجدي : اهلا لاباس ؟؟
معتز : سلمك انا معتز عندي جلسة تدليك طبيعي
رفع حاجبه ينظر اليها
مجدي : دلال تعرف في العلاج الطبيعي
معتز : لا دلال قلت لها توصلني بس
دلال ببرود : عن اذنك يا دوك
تقدمت بدلع طبيعي وهو يفسره سهوكه
لفت لقاته مصبي مكانه يراقب ابتسمت بسخرية
وهزت راسها بيأس
كانه مراهق امه هزباته ذهب ل مكتبه الشياطين فوق راسه
فتح الاي باد وبدل ما يراجع اعماله
كتب اسمها في محرك البحث في الفيس بوك
كتبه بالانجليزي دلال فرج
لقى صفحه..
وطبعا من صفحته السرية دار متابعه
صورة او صورتين لشاب وسيم
ومكتوب تحتها
اوقاتي بتحلو
..
همس يقنع نفسه ..كنت عارفك تافهه !!
