التاسعه
قد يجعل منك الحب شخصا معتوها
ركضت حواء تغلق الباب
حواء : حولي السوريه بسرعه
كانت تحولها هي ترتعش وتبكي والقهوة الساخنه حرقتها
سماح شعرت بتأنيب ضمير
سماح : معلش ما شفتك
دلال تجاهلتها تماما ولفت وحواء تعطي فيها ميه مصقعه ..
حواء : لفي هذا حوليهن توا انجي
خرجت سماح وهي حاسه بالذنب..سرعان ما تناسته بمجرد ان اقنعت نفسها انها مش قصدها
..
مجدي
في الصيدليه كان يقرا قائمة الادوية اللي ناقصه عليهم
خشت حواء ونوره وعلياء يجرن
حواء : قاسم وين مرهم الحروق
قالتها بفزع ونوره وعلياء يدورن
قاسم طلعه لها : كنكن ؟
خرجت حواء مسرعه هي وعلياء
قاسم : نوره شن في فجعتنا
نوره : دلال انكبت عليها قهوة فايره
حسبي الله ونعم الوكيل اجعنها لاقيتها
مجدي : منهي
نوره سكتت خافت منه : اللي هي كبتها عليها وخرجت مسرعه
خرج وراهن لقاهن طايرات يجرن فوق
امام باب غرفة الممرضات
دكتورة منيرة : جيبي ملاية صلاة اي شيء واسع
كانت حركه سريعه وهو واقف بعيد كأنه داير جريمه وشيء في يساره لا يهدأ
مشت من امامه ممرضتين
.......: وين جتها
........: على صدرها بعيد عنك كبايه كلها قالت حواء
........: ياروحي ان شاء الله سطحيه
تقدم ودخل مكتب صادق لقى محمد
محمد يخبط كفيه في بعضهن : لا حول و لا قوة إلا بالله
صادق يراقب مجدي : ساهل كنكم انتو
مجدي : مش ساهل الممرضات خاشات طالعات
جلس مهموما تنهد وغمض عيونه في ضيق
من نفسه اللي خايفه عليها وقلبه المتألم وروحه المجنونه اللي تمنت ان القهوة انكبت عليه
..
حواء : خلاص معش تبكي مازال يحرق فيك
دلال ارتعشت : انفجعت بس
نوره كشت عليها ميه شهقت ونزلن دموعها
حواء : سطحي دكتوره؟
منيرة : ايوه الحمدلله ..سوريتك انقذت الموقف والكت
الاحمرار رح يخف
عطيتك مسكن الم وهذين مراهم وحاولي واسع طول الوقت وخليك في مكان بارد
دلال : عطيني نقالي نكلم يوسف
..
محمد امام الباب
خرجت حواء
محمد : تعالي حواء ها طمنيني
حواء : سطحي الحمدلله..
محمد : الحمدلله ..حتى هي سماح مش تفتح
مجدي بتهكم وغيره : بشوي على روحك
محمد : تخيل بنتك حد حرقها
مجدي : بس هي مش بنتك
محمد : كأنها بنتي
صادق نظر لمجدي بغموض
صاظق : نعدي نجيب شوكلاته السلامه
زفر بغضب وخرج ل مكتبه
تذكر ضحكتها فالصبح ..
واناقتها ..
سماح دخلت معاها قهوة
سماح : هههههه المستشفى هذا يموت ضحك
دنيا منقلبه عشان شيء تافه امالا لو حوادث ما نلقو من يسعف قلوبهم رهيفه
مجظي نظر بازدراء وغضب : اعتذرتي منها؟
سماح ب كذب : مش قصدي
مجدي : بس شكلك مش نادمه بكل وتضحكي
لقى يفرغ غضبه فيها
سماح : كنك مجدي
مجدي خبط ع الطاولة : دكتور مجدي ..فهمتي يا دكتوره
سماح : هذا كله عشانها
مجدي : احترمي نفسك وما تدخليها في دائرتك السطحيه ..
شهقت بذعر وخرجت مسرعه
وهو عاد يراقب من النافذه وخياله يذهب بعيدا
عنق ابيض محمر
استغفر الله
ذهب يتوضأ هاربا من فتنتها ..
