الخامسه عشر
بعد ثلاثه اشهر
عرس مها..
وقبل ذلك بإسبوع
دلال تراسل خالد
دلال /شن رايك تجي للمستشفى ؟
او لما نمشو للسوق تشوفها
خالد/بس نبي نكلمها
دلال/معناها تعال للمستشفى
خالد/قوليها لها..
يحى : من يبي يوصلك المستشفى
مهجة : ماشيه مع دلال وعمو فرج
يحى : باه تربحي..
تنهدت وتطمنت..
في المستشفى
دلال : ها تالين وراس نوري غلاك
تالين دكتوره اسنان : متعاركه معاه
دلال : ديري حل هيا توا
تالين : باهي خليه يخش هو قبل لان مازال مافش حالات برا
وانا نمشي ٢٠ دقيقه بالضبط نلقى ما في حد
فهمتي يا متاع الممنوعات انتي
دلال : فهمت..
دخل خالد ووقف يراقب من النافذه
خالد : وينها
دلال : توا تجي مع حواء عملية تمويه
بعيد عنك جت خالتها وفتحت تحقيق وروحي تغدي معايا
خالد : تمام..فهمت..
دخلت مهجه وحواء
وحواء سرحانه في خالد واناقته
دلال تهمس : هيا بنت فضحتي بينا
حواء : يوقع لي بس
دلال : بلا قلة أدب
مهجه تراقب وهي جنب الباب وهو قرب النافذه وقريب يخطفها..
وسيم ..اسمر وكتوفه عريضه ..جذاب
مهجة همست : دلال خلي الباب مفتوح وخليك قريبه عيونه مش مبشرات بخير
دلال : اجعني نا نعلي
طلعن حواء ودلال يحرسن برا ..
تقدم باتجاهها
خالد : حبيبي ..
وهو ماسك يديها وهي تسحب فيهن
خالد : بسس يا بنت بطلي
مهجة : عيب
وهي تراقب الارض تحتها
هبط راسه باتجاهها
خالد : عيب صار ..من حق من انتي؟
مهجه تنهدت : انتا
خالد : جت على يديك وانت كلك لخالد
تنهدت بأسى تتذكر كل ما يعيق سعادتهم..
خالد : نحبك يا بنت
مهجه : نحبك يا خالد
خالد : احلى خالد سمعتها
اطمني كل شوي ماشي له حد لعند اعتبرني امر واقع
مهجة ابتسمت بحب : ..رايفت على عيونك
خالد تنهد : انا متت موت ولولا نقال دلال ورقمها اللي حفظتها زي رقمك راهو ميت من زمان ..
نعطيك نقال ؟
مهجة : لأ ..واهو اخلفت الوعد وشفتك
خالد : عاوديها باه
مهجه : انا جيت هنا وقلبي قريب يطيح نعاود من ..!!
دلال من برا : العشرين دقيقه قريب يكملن
اعتصر يديها ورفعهن يشمهن ..
مهجه همست بخجل ورعب : خاااالد كنك انجنيت
ترك يديها وتراجع
خالظ : اهو وخرت
نظرت بذعر
خالد : ما تخافيش مني ..لو طايش راهو خطفتك من زمان..نحبك...ارجي شيلي هديتك يا عمري نسيتيني ..
مهجه همست : نحبك وهربت هي والكيس
في الممر
حواء : يهبل با انتي
مهجه : بنت لمي روحك
حواء : ساد انه يحبك عليك بخل خليني نعبر
دلال وخالد طالعين برا
مع جية مجدي اللي وجه ما يتفسر
تقدمت تالين مسرعه ل عيادتها
مجدي : لاباس عليك ؟
خالد : سلمك
مجدي : دكتورة توا كيف جت
خالد بذكاء : وانا حجزت وعندي مشوار نديره ونجي وقلت ل بنت خالتي على حاجات
في مانع ؟؟
بينما هربت دلال ل مهجة وحواء ..
العرس..
نجوى : ابرد عروس شفتها في حياتي
نهله : شاغلتني كان ما تقعد تبكي له بعدين نبي امي دارتها اختي زمان قعدت تضحك تضحك وين تسكر عليهم باب قعدت تبكي تقول نبي امي
نجوى : وشن دار العريس
نهله : قال لها ناكلو تورتا ونمشو لها
نجوى : ههههههه
مها في المسرح تتذكر كيف كانت تقرم ع العرايس وتسخر منهن ..وهي طموحها يعانق السحاب
ها قد اصبحت منهن رغبه في رد اعتبار انتقام من ميرال او لانه مناسب ولا يؤمن بالحب مثلها
رجل عقلاني عملي..
زفرت بضيق تراقب الحنا والطلاء
اخر مره حطت حنا وهي ف الابتدائي
عكس دلال اللي تحبها ..
راقبت دلال و حواء اللي يرقصن
دلال تغني ..كان هلبتوها ..كان هلبوتها
لولي في ناس ايريدوها
حواء : زوبه مش لولي
دلال : واحد يغني لروحه
مهجه تصفق من البعيد
حواء : مهجه كنها ما ترقص
دلال : خالد قال لها لا
حواء يدها على قلبها : نعلي ما لقيت من يشكمني يا انتي ..
