السابعه
مستكه بدون سكر ..
مسكت ضحكتها وهزت راسها مستغربه
..
كانت تركب تغذية لحاله في قسم الولادة
البنت : معلش ممكن تجيب لي كيس برا من خويا
امي مازال ما جت
دلال كانت تركز في عملها : حاضر
خرجت ..لقت شاب يدخن ماسك كيس
دلال : عفوا انت خو فاطمه؟
رد الشاب : ايوه انا قالها بإبتسامه لعوب
دلال : عطيني الكيس
مد يده يسلم
: عبدالسلام
دلال ببرود ودون الالتفات ليده : اوك هات امانة اختك
عبدالسلام : وسع بالك يا سمح له له ليش الوجه الناشف هذا
تراجعت عائدة للممر تفاجئت بيه يمسك يدها
عبدالسلام : نحبه الثقل بس مش هكي
دلال صرخت ودفاته : حول يدك را نكسرها لك
كان ماشي مع محمد يتفرج على صورة اشعه
مجدي : خير دلال شن في
دلال : واحد سنكوح يتطاول
عبدالسلام : انا سنكوح يا ........
شهقت تتراجع من الفاظه وعفويا بكل تلقائية خشت ورا محمد مسكت طرف كم بالطوه
وعيونها طول تعبن دموع
لم يجد كيف يثأر لها الا بصفعه لوجه ال سنكوح
ثار عبدالسلام باتجاه مجدي اللي لف له يده ورا ظهره ودفعه بقوة ليسقط
مجدي : يا مفتاح ..
شن شغلتك بالضبط هنا ؟
مفتاح من الامن كان ماسك عبدالسلام وهو يتوعد مجدي و دلال
عبدالسلام : والله اندمك ما تعرفش روحك علقت مع من ..
كانت في المطبخ تشرب في ليمون
وتكلم نفسها : يعني من ندى ل واحد سنكوح ..شكلهن مش ايام الحظ يا برج الجوزاء
استغفر الله..
كرعيها ممدوات على كرسي بلاستيك مقابل كرسيها وبالطوها على يد الكرسي
حذاءها الرياضي الابيض
التنورة الكحليه الملتفه حولها في دلال وغرور انثوي خالص بدون تعقيد ..تلقائي
وقميص زهري واسع وقصير ..وشارده تنظر الى النافذه وتلف اصابعها على كوب الليمون
كان هاين عليها يرسمها او يصورها في راسه
تنهدت تتحدث مع نفسها
يا ضوايقي..
مجدي : مساء الخير
نزلت كرعيها
دلال : مساء النور
مجدي : ليمون منعنع او صافي
دلال: مش كبايتي كباية المستشفى
مجدي : هههههه قلبك اسود ...
ممم من مزعلك
وقفت ورفعت بالطوها
دلال : ..افرض قلت انتا ؟؟
استغراب مليء بالسخريه وبكل برود
مجدي : ..شين انا
دلال : هههههههههه تي مش خايل
مجدي : اللي هو
دلال : اللطف والجنتله
مجدي : ياساتر ..
رفعت شنطتها ..
دلال : عموما اذا نبي نلم اللي مزعليني تتعب وانت تضرب
مجدي : ياللغرور..
لا في اوقات تستاهلي تزعلي مش ديمه في صفك
تقدمت باتجاهه
دلال : وليش كنه صفي يا دوك
كانت تمشي هي وياه في الممر
سمع صوت انثوي : مجديييي
رد ببرود وملل من إفساد لحظات نادره معها وهي هاديه وناعمه
مجدي : اهلين دكتوره
صافحته بود وعيونها لهفه ودلال تراقب بمكر
مجدي يعرفها : دلال..ممرضه
دكتوره سماح زميلة قديمه
شعرت بالحرج لم يقل صديقه او اي شيء يدل على رابط عاطفي بينهم
دلال ردت بود : تشرفنا ..بالاذن حافله جت
سماح : تفضلي ..
راقب دلال تمشي بدلال ..وقبل ان تخرج لفت وهي تلبس نظارتها وعطاته ابتسامة شر كأنها تقول هابا عليك..
