كانت تبكي على صدر مهند
دلال : حبيبي يا بابا
مراد : يا دلال مش هكي مش ميت هو ويطمنو فيك الدكاتره من بدري
نهله ومها يتبادلن النظرات
اكيد سمع كلامهن و عرف ان عياله عندهم علم ..
وصلت مهجه و يحى وخلفهم خالد اللي يراقب بكاء دلال ..الوحيده اللي يحسها بنته مش حتى اخته الصغيرة ..
مهند يربت على كتفها : اششش ادعي له
لكنها عادت تبكي : حبيبي يا بابا
يحى : خير مراد طمني
مراد : خير يا سيدي ..ذبحه صدريه بس الحمدلله ربي نجاه
يحى : حمدلله على سلامته يا نهله
نهله : سلمك يا حاج
مهجه : مها تعالي
اخذتها لغرفة الممرضات غسلت لها وجهها
مهجة : تمددي هنا شوي وحاولي ترقدي مش كويس الزعل لك..
..
خرج يحى بعد ما طمن على فرج ..
دخل التواتي كالاعصار : كنه سيدي ؟
مراد : ذبحه صدرية
تواتي : من شنننن يا ساتر
نظر لعمته التي تنظر اليه بلوم ولم يفهم ..
تواتي : وين مها ؟
مراد : مشت مع مهجه اتريح
تواتي : للبيت؟
مراد :لا هنا
تواتي : نتصل بيها مافش رد
مهند : نقالها ف البيت اكيد ..
وقف حائرا لا يعرف اين يذهب ودلال مش فاضية
وقف قرب خالد
راقبه بفضول وين شايف الوجه هذا
انتبه خالد لنظرات التواتي
نظر اليه
تواتي ارتبك : معلش تشبه فنان مرسكاوي هه
ابتسم خالد ورد باقتضاب : انا هو
رفع حاجبيه
خالد : مهجه زميلة مها ..مرتي
تواتي : اه اهلا اهلا وسهلا
اكتشف انه لا يعرف صديقاتها بينما هي حفظت كل تفاصيله
خالد : توا نتصل بيها نشوفها وين
_الووو
_حبي وين شلتي مها
_راجلها هنا
اوك يا قلبي
تواتي نظر اليه قليل م الحسد كيف تلقائي يقول حبي
قدامه
وهو مره غلط قدام امه قال عيوني فنصت فيه مها ..
جائت مهجه
دلال : وين مها
مهجة : متريحه جوا ..
دلال : كلميها به
مراد خرج يرد على مكالمة جده واستغرب من قالها له ..
وقف خالد : خلاص يا دلال ادعي بطلي بكا
كان مجدي يراقب بغيره
تواتي يمد لها منديل ومجدي حاقد ع الكل ومن هذا اخرى توا قعدو ثلاثه او اربعه
دلال : دكتور عادي نشوفه
مجدي : مازال فالملاحظة تعالي تعقمي وخشي
بس بدون بكا
دلال ردت : حاضر ومشت قربه تمسح دموعها
تنهد بارتياح انها خرجت من دائرة الشباب
في سيارة التواتي
مها : اسأل اختك
مش لدرجه هذه الحقد مش هكي
ياريتني حتى دايرتلها حاجه بس مشكلتي ما درت لها شيء
حكت له باختصار
تواتي : ..نعدي نقولها لباتي شكله ما عنده علم
مها : تمام انا نمشي بالك يخلوني نخش نشوفه
عانقها اهتزت من نهر الحنان في لمسته
تواتي : توا قعد كويس معش تبكي
مها : نحبه انا
تواتي : وانا نحبك
مسح دموعها و وصلها جوا وذهب مسرعا ل بيت اهله
وقف ف الصاله
علي : وين مها
تواتي عبونه على ميرال : فالمستشفى
وقفت بريكه : ياروحي كنهاااا
تواتي : باتها جاته ذبحه صدريه كان ينظر ل ميرال الهادئة
لانه سمع كلام مها وامها وعرف ان عياله عارفين قصته اللي ما عرفها حد من ٢٦ سنه ..
كانت دموع ميرال تسقط ندم وان فرج لا ذنب له في حقدها على مها
نظرت اليها امها بخيبة امل وهي تتجه تلبس عبايتها : ان شاء الله هكي تريحتي
كانت تتمنى لو تعارك معاها تواتي او حتى ضربها
لكنه اكتفى بنظرات خاويه نحوها
علي : لا حول و لا قوة إلا بالله
لا حول و لا قوة إلا بالله
خرجو تاركينها خلفهم ..
