العاشرة (انتي ودلالك)
دلال شافت زحمه : شن في؟
حواء : دكتور مجدي واحد ضاربه بموس
شهقت بخوف ووقفت هي وحواء وبعض ممرضات امام العمليات
اللي فيها محمد والصادق وسماح
طلع محمد بعد وقت طمنهن عليه ..
خرج الصادق
الصادق : حواء ..دلال نبي حد في قسم الولادة تقدرن تقعدن ؟
حواء : ان شاء الله
في العشيه تغدن بيتزا من مطعم وشربن شاهي ونزلن لغرفة خاصه بالمدير
لقن نهى وامها
سلمن عليهن وقالت لهن لاباس
دلال : لاباس يا دكتور
مجدي رد بهدوء : سلمك
امينه : علي قال البيت مليان صبايا
وطلعن ..
صادق مد راسه ودخلت سماح
صادق : دلال شوفي ضغط الدكتور
دلال : حاضر
سماح : انا توا نشوفه انت وحنان روحن كمل دوامكن من الساعه 2
حنان ببرود : احنا قاعدين في قسم الولادة مش مكسدات
سلام ..لاباس مره اخرى دكتور
مجدي : صحيتي حواء ن ونظر بازدراء ل سماح
سماح تخاطب دلال اللي ما تحركت : وانتي يا حلوه توكلي خلي الدكتور يتريح
جابت كرسي وجلست قرب سريره
سماح رفعت حاجبها في حقد : انت شن نوعك بالضبط؟
الصادق : وطي صوتك انتي في مستشفى
سماح رمت جهاز الضغط وخرجت هي والصادق
قيست له الضغط
دلال : الحمدلله كويس
مجدي: سلمك
دلال خذت طرف شوكلاته : اكيد ما عندك مانع
مجدي : لا ما عنديش خوذيها كلها يا الدبه
دلال : ههههههههههههه مأثر على مخك الموس
دلال انا مش الدبه
الدبه صاحبتك اللي توا
مجدي رفع حاجبه في اندهاش : صاحبتي؟ ؟؟؟
دلال تقلب عيونها وهو يشعر ب قلبه يبي يطلع
دلال : ايوه قريب كلتنا عشان جينا نسلمو
خايفه ناكلو منك قطعة
عض الشفه السفلى
مجدي : لو قلتيه وانا صاح كلام هذا
دلال : لا طبعا بنستغل الموقف ..
لفت كنه ما حد جاب لك مستكه
مجدي : معش تضحكيني مش كويس ليا
دلال : اوووه صح ..نسيت
راقب كيف تراقب انواع اكياس الشوكلاه وكأنها خبيرة
بنطلونها والبلغه والجورب القصير زي جوارب نهى...
فالينه الصوف لونها احمر تصل ما قبل ركبتها
وبالطوها مفتوح و وشاحها كحلي لون الجينز وملفوف في اهمال
دلال لفت : كنك تكحل
مسك ضحكته وتألم
مجدي : عيب تقولي نكحل غير الشعرات اللي ديمه طالعات مستفزات
وقفت وحطت يديها في جيوبها
دلال : انا تحجبت ليا ١٠ سنين ..ونلبس فيه هكي
حاولت امي وحاول باتي وحاول وليد
وفشلو .....
تبي تحاول عشر سنين ..وبأي صفه
كان ينظر بغضب
دلال : هههههههههههه مش مدخلتهن
مجدي : عليش تضحكي
دلال : شكلك وانت راقيلك على شيء تافه يخليني نضحك
دلال : الوووو ايوه مهند
ايوه نشيلو معانا حتى حنان
خشيت راجعت؟ تمام جايه
بالاذن وخذت طرف شوكلاته ٠
بعد نصف ساعه دخل مهند وسلم عليه
مهند : سلامتك ..
مجدي : سلمك
مهند : كنه يخبط فيك ..مش باين عليك متاع مشاكل
نظر ل دلال ب الطو كاشمير وتنهد بارتياح يحسابها طالعه بالفالينه الحمرا
استغربت نظرته
مجدي : واحد طايش وتافه
مهند : باهي سلامتك و وضع الشوكلاته وخرج
