الثالثة عشر (انتي ودلالك)
مها : لأ ...
التواتي : شن لا
مها : مرفوض
التواتي : انا او عرض الزواج
مها : كلكم
التواتي : السبب
مها : شن تعرف عني غير اني اخت وليد
التواتي : انك مستقله ماديا وكنتي في صالة افراح وتوا في مزين وعمليه وطموحه
عقدت حاجبيها
مها : تراقب فيا يا اخ انت
تنهد بيأس : انا لقيت شخص مناسب للارتباط وجيت وقتلك نرجاك...عليش تعقدي في القصص
مها : وميرال؟
التواتي : تخافي منها
عرفت انه عارف عداوتها ب أخته
مها : لا
التواتي : سؤالك عنها دليل اقتناع صح؟
مها وقفت متذمره : ما دليل شي
سلام
وخرجت
&&&&&&&&
مجدي ..
كان يراقب اخر اخبار الفيس
لفت نظره سلة جميلة في محل تغليف
ل دلال ملاك رحمه اسم على مسمى
اندهش عيني عينك كاتب اسمها..ومنهو هو اصلا..
حفظ الصوره يراقب السااعه والكوب والعطر
وشوكولاته ومستكه وحذاء رياضي
كان يعاود نظره للكوب اكيد قالت له دكتور سرقه
وكان يلقى يسرقك كلك الدكتور
وفي الصباح
كلمها تحضر معاه عملية
وراقب طاولة عليها حاجاتها ..نفس الساعه في الصوره والحذاء
لااااا ..من هذا
في الخارج
سماح : مجدي الحاج يبيك له كم يوم يحاول معاك ما رديت عليه
مجدي يراقب كاويش دلال ويعترف انه يغار من الكاويش : ما نعرف رقمه ..حاضر توا نجيه
سماح : نرجو فيك مع ابتسامه لطيفه
ووكزه من حواء ل دلال اللي تشاهد يوتيوب ومنسجمه
دلال : هااا
حواء : المرا مش صافيه قالت له باتي يبيك قيسها تبي تخطبه
دلال : اهو نلقو فرح نحظروه ما صدقنا
حواء : هههههه..
تعرفي من رن عليا امس
دلال : من
حواء : علي الضابط
دلال : كذبه ....كنه؟وين لقى رقمك
حواء : قال عيب معاك حكومه
دلال : شن يبي
حواء : يتعرف ويصاحب داير روحه معجب
دلال : شن رديتي عليه
حواء : عزقت الشفره فالدرج وخذيت غيرها
دلال : هههههههههههه بالك نيته صادقه
حواء : مش عشان خالد يحب مهجه صح
معناها هذا زيه ...تؤ يا لولا
دلال : صدقتي عيونه زايغه خاطري نشوف منظره وهو يرن يلقى فيك مقفل
هههههههههههه ..
&&&&&&&&&&&
في الكلية
ميرال : تخيلي
هبه : كنه تواتي انجن
ميرال : فعلا انجن او دارت له بسبوسة
هبه : مش غريبه عليها متاعات المواعين..
لفت نظرها واحد من الامن ..
عماد
عماد : اهلا
ميرال : انا ميرال
عماد : تشرفنا
ميرال : نبيك في موضوع هكي
كانت تحكي وعيونه يلمعن بخبث ويراقب مها
..
عماد : ليش لا
وضحكت بسخرية تنظر ل مها وسط صاحباتها
ناقص عليا الا انتي تاخذي خويا..
&&&&&&&&
فرج : والله ياما يطلع منه مهند
نهله : شفت السله تهبل
فرج : تستاهل دلال مدلعته ومخربته
نهله : وانت ما خربتها
فرج تنهد : فعلا خربتها بس اهو مها مش خاربه
مها : اسكت والنبي هججت الراجل
فرج : هههههههههه هبله بنتك او كنها نعرف البنات في سنها يحبن جو عرس وخطوبة
نهله : طبع غريب فيها
فرج : مفش حد طالع لك ..داعب وجنتها بظاهر يده
قبلت إصبعه مكان خاتمه
فرج : مازال خدودك يولعن؟؟
نهله : تخيل قريب نوصل ٥٠
فرج : مش باين بكل
نهله : هههههههههه
