الخامسه (انتي ودلالك)
بعد يوم حافل
مها : ما حد يعرف الا حني وجدي هو يبي حنتي تقولها لباته خايف باته يزعل
نهله : اها فهمت..
مها : مش عارفه قلبي مقبوض ما شال عيونه من على دلال بكل
نهله شرعت عيونها : احلفي
مها : منها من دلعها وسهوكتها حتى لو عفوي مش كل حد يفهمها براءة
نهله : خرفي شافها من هنا فسخ خطبته من هنا
مها : ان شاء الله ظني غلط ..ياااارب ..
كانت تتفرج مع وليد على فيديو التخرج
دلال : ما خليتني نحضر ..اشمعنى مها
وليد :مها مهندسة انتي تخشي بالمستكه واللبس هذا
لا والله قعمزي مكانك ههه
مهند يتنهد م التعب
وليد : كم كيلو نقصت من بديت لعند توا
مهند : سبعه
وليد : ماشاء الله شوي اخرى تعال الصاله دير عضلات
مهند ابتسم بتهكم : انا ما نبي نعجب حد
وليد : ممممم يعني انا تافه ونبي نعجب هههههههههه
يبدو اخر العنقود يبي يطلعني عيل تافه
مهند : سامط ودخل ياخذ دوش
دلال : كأنه باب خلفي يخبط
وليد : توا نفتحه
عمر : مرحبا زعيم
وليد : اهلين عمر
عمر : دخل مرحبا دلول ازيك
انحرجت و وليد يفنص
عمر خبط وليد على كتفه : نمزح عليك حصله
دلال : الحمدلله تمام
وليد نقالك يرن ودخلت للبيت
جلست قرب مها : امي وين
مها : طلعت مع عمتي نجوى
دخل عمر وسلم على حنته وعمته
عمر : كيف حالك بش مهندسه
مها : الحمدلله كيف حالك؟
عمر : تمام
حني تجو الإستراحة بكره اهو البنات يغيرن جو
عزيزه : ياريت والله
عمر : خلاص توا انسق مع الشباب ..
همس في اذن جدته : كلمتي باتي؟
عزيزه : مش وقته خليني فرحانه بولدي توا ومفش شي بالسيف اطمن
ابتسم وعاد يراقب دلال اسم على مسمى
الكحل والعطر والبنطلون والتي شيرت
امممم وخلاص حلوى جاهزه للاكل
دخل فرج وباته
وقف عمر عطاهم مكانه وجلس في زاوية يراقب منها
يوسف : مرحبا يا قوم
مها : اهلين
يوسف : وسعن
جلس بين مها و دلال
دلال : نقولو في كلام بنات
يوسف : الله من زمان عليه
مها : هههههههه
جد عمو كنك ما خطبت نخطب لك
يوسف : مواصفاتي صعبه
دلال مطت حروفها : عشتووو الاصلع يشرط
يوسف : حيوانه
عزيزه : كنك يوسف مع البنت
يوسف : هذه بنت هذه؟
قرص ذقن مها اهي بنوته عسل
بوسف : قالت لي اصلع
فرج يهزب : دلااااال
دلال همست : يا دي دلال
عزيزة : فرج؟؟ تهزب واحنا قاعدين
فرج فنص في دلال
وعمر هايم وما حد منتبه الا يوسف وما عنده حل ..
دلال همست : قصدك الايام يمشن هكي لعند نروحو
مها : ايوه وبلا زن كل يوم يجن بنات عمك يحولن الملل
ندى
كانت تتصل ومافش رد
دخلت امها : كنك ندوش
ندى : عمر ما يردش قيسه ف العمل
حليمه : شفت سيارته قدام بيت جدك
ندى : شن؟؟
هزت كتفيها بلا مبالاة ودخلت المطبخ
اما ندى لبست ع السريع وتأنقت كعادتها
بس ثقتها في نفس في خطر ..
ندى : انا ماشية بيت جدي
حليمه بسخرية : عليك قلة قيمه
خرجت مسرعه لا وقت لها للنصائح..
دخلت لقتهم يتغدو
سلمت عليهن
عزيزه : تعالي تغدي
تغدت وقعمزت ف الصاله تحرس فيه
بخرت والبنات ف المطبخ..
طلعت مها بالشاهي جلست قرب جدها وحنتها
وخشن عماتها ..
دخلت ندى وتطمنت ان عمر مش خاش..
جلست دلال ف الصاله
دلال تكلم حواء
دلال : ايوه شخبار سيادته؟
_له له
_ههههههههه يا واعر
مممم ايوه صح
لا جو ملل الصراحه
توا نصور لك جدي ويوسف..
جلس يوسف قربها
دلال : ايوه عمو بس اصلع
هههههه ايوه واعزب ودكتور شن رايك
يوسف يفنص فيها
دلال : وعيونه سود ..وشخصية يا انتي وحاجات
ههههههههه خلاص توا يصلي استخاره
باي
يوسف : بس اصلع
دخل عمر
دلال وهي تقبل يوسف على خده خلاص دلال : زعووول
هذا جزائي نخطب لك
يوسف : لا شكلها هي تبي تخطبني
يوسف انتبه لعمر اللي يلعب بنقاله ويسرق في النظرات وندى واقفه ف باب الدار ومكتفه يديها على صدرها تراقب عمر اللي مش منتبه ابدا لوجودها
ندى : عمررر
عمر : انعم
ندى : نبيك شوي
خشت لدار المقعد
يوسف : كنها راقيلها
دلال : مش عارف ..
ندى : كنك ما ترد
عمر : شغل يا ندى
ندى : يا ندى؟؟
عمر : ندوشه السمحه
شعرت بألم وخوف يغزو قلبها ولفت تنظر ل دلال وضحكتها ولفت لقت عمر يكحل فيها عيني عينك
خرجت مسرعه تلبس عبايتها في الممر
بعد اسبوع
في بيت نجوى الكل معزوم
عمر اصر يوصل جده اللي معاه مها و دلال ونهله
لا ينكر انها ستايله المفضل
جاكيت وتنوره جينز وكحلها فاتن
كل وحده خشت بطاجين..
كانت فوق تراقب من دار شيماء بنت عمتها
ندى : شفتي الوقحه راكبه معاه
شيماء : وليش ما تقولي هو الوقح
ندى : كلكم مخدوعين ترسم عليه انا فاهمتهن اشكالها ..
في الليل كانت تطلع فالبخاره للسور
سمعت صوت عمر فالسور الجنبي يدخن
هيثم ولد نجوى : كيف تفسخ؟وليش توا لك سنه خاطبها
عمر : نصيب
هيثم : نصيب؟؟؟ او شفت لك شوفه
عمر : القلب وما يريد
هيثم : ومن يبي يسكت لك
عمر : حياتي وحر فيها
هيثم : توا بنت شفتها كم مره تمشي تفسخ طول
افرض ما تبيك
عمر : مش بكيفها بت عمي
انت اكثر حد عارف انها خطبة تقليدية ولو مش دلال اكيد غيرها
هيثم : هذا الهبال اللي يبي يولع الدنيا
مشت بهدوء ودموعها ينزلن ركبت فوق
ولقت دلال
وفي لحظة غضب وقهر وجنون وغيره واخساس بالخيانه
